MIT KHUA MUHNA SIANGLOTE THEIHUAI

MIT HOIHLO MIT KHUA MUHNA SIANGLO TE AADING JASMINES HOIH NA

Kawl te in Sa-be (စပယ္) a cih pen Zomi ten ih lawhdan ka thei kei hi. Dictionary ka en leh, Jasmines ciin na ki at hi. Jasmines  cin zang ni, Zomi te in Zo min in na theih uh leh Comment-na ah hong gen un na laihkik ding hi. A man ih et ciang a a sapdan ei zopau in thei mai ding hi hang. 

Zingsang tho baih mahmah inla Jasmines (စပယ္) pak pen pak 3 kim siangtak in sil ding hi te. Tawnsim hai ih cih Hai (glass) siang ah koih in, tuisiangtho haikhat mun thum a khen munnih na leih ding hi, nikhat sung tawntung na diah ding hi. 

*Zanciang in tua a pakpen la khia inla a tui pen na mit ah nuh in.

* Nuh masak ni pen mit ah mitnai tawh kidim ding hi.

* Puanthem siangtho nelsak in la na mit nainul siang in.

* Ni sagih sung na nuh ciang in na mitnai pen hong tawm tektek ding hi.

Ni sagih sung na nuhciang in na mitpen hong siangtho sitset ding a na mitkhua muh na zong nawngkai na om non lo ding hi. Cimci kai cih te zong beimang ding hi. A ma aa sang in na mitmuh na siangzaw in ki tel muh zaw pekpek ding hi.

Ni sagih sung na nuh khit ciang in ni sawm leh ni (15) khawl in nuhnon kei in. Ni sawm leh nga sung na khawl khit ciang in na zatsa zang non kei in la, pak dang a thak lo kik in, tui siangtho ah diah in a ngeina bang in ni sagih sung na nuh kik ding hi. Ni sagih na nuh khitciang in ni sawm leh nga sung thawlnga in khawl phot in. Tua bang dan in 3 vei na hih leh na mitsiang lo na mitkhua muhna sianglo,hoihlo pen beimang ding hi, tekmit,mit limlang,mitman na kisam non kei ding hi.

[ Karen state, Nonglong, Nampan Monk U Nan-da-win- leh U Gyihan at pan a lak a hihi. ]