NUMEITE THEIH HUAI

A ZAWNG/MEL OMDAN PEN NA CIDAM NA TAWH A KI TUAK HIAM

Ih pumpi taksa pen ki khelzel a hih man in pumpi taksa natna leh haksat na ih neihleh neihlo zong ih ki thei kei hi.Taksa natna(Symptom) hong kilat khit na ngawn in sawtpipi ih thuak hi a nuai a pumpi taksa omdan pawlkhat en dih ni.

1. Numei tepen tangsiat hong omciang in a ninneih ma kal 2 kim in estrogen leh progesterone harmone cih te pen lim suak mahmah hi.hi pen nin nei ta ding na hih man a hong om a hihi, hi hunlai tak pen na kha kim ah tangsiat hong om a,asawt lo in kamkik ziau hi,a hizong tangsiat kamlo a a omden leh  na pumpi taksa ah hormone a tawmluat hang hi thei hi, a tung hormone nam nih estrogen leh progesterone te pen na kisam luatna hang hithei a Doctor kiang va zuat hoih pen hi.

2. Gilpuak den:Numei a tamzaw gilpuak den pen kha sim ninneih na hang zong hi thei hi,a hizong kalnih sungbang na gilpuak a kamkei leh na pumpi taksa a nate ki balance lo a omhang hi thei hi,hi pen endo belly cih hi a, nawi cancer maw ci bawm(ovary)cancer nei zong na hi thei hi.

3. Na taw nuailam leh na khe kim a natna om: taw nuailam kim kham/kha leh na pen numei nin neihlai tak in na common mahmah hi mai a serious tak a ngaihsut dingzong hilo hi,a hizong liangko leh taw kim na pen ninneih ma leh neihkhit na ngawn a a kamtheih kei leh,Endometriosis natna nei na hi thei cih phawkhuai hi hih in khe lam dong in natna ki neithei hi.

4. Sikhal na nei den hiam:Numei te nin neih pen kibang hetlo hi,pawlkhat in a eng lam leh a dup lam nei thei uhhi,hibang dan a na nin a hong om leh Uterine fibroids hi thei hi,la huai petmah lo himah leh kibawl kikhoi ding kisam hi.

5. Workout na cihkim lai in na pumpi taksa na den hi:Exercise na la hiam aw a hih kei leh na nengnawng,thelno na hih nasep nahang a na tawguh leh na kawngguh a nat ngawihngawih leh na suullam ah hoihloh na om hithei hi,hihpen Endometrium cih a hihi,hi bangdan a na om leh Doctor zuan mengmeng in.

6. Na anduh na kiam:Na lunggulh mahmah leh na duh mahmah na nek zawhkei a na kam a lim kei leh suul cancer hi thei hi.

7. A hunsim nisim a lum na sa a vot na sak den leh:Na room temperature ah zong nuamtak tuthei lo a  lumsa votsa den na hih leh na pumpi taksa hormone omte pen ki khaikim lo hi  thei hi,numei pumpi taksa a lemtuah a hoihtak a a bawl a kisam mahmah estrogen hormones a hihi,estrogen hormone in ih pumpi taksa lumlehvot  hoihtak in control a hih man in na ngahtheih na ding in balance diet ual kisam na hihi.

8. Samkia(hair loss):Nasam a limkiat luat leh na luzang dong in kawlh in tolthei hi, hih a hang in Testosterone hormone kisam na hi thei hi,na neihkik theih nading in nitang tampitak kisam cih na hi a nitang ah lim om in.

Cidam na mikim.