A MANPHA LAIMAL

"A MANPHA LAIMAL" 

1. Nuntakna i cih pen gal kidona tawh kibang hi. Na puk hun ciang na thawhtoh kik zawh nading hanciam den in.

2. Mi khempeuh ei ii hamsat buaina tek tawh a ki nungta ciat hi aa, koici mainawt ding cih thupi pen hi.

3. Khat veivei teh na deih loh thu le la hong pian khak ciangin, a hoih thei pen aa na thuak siam zawh na'ng hanciam in.

4. Na utna sangin a sep huai masak zaw in.

5. Khialhna na neih khak leh thumm ding hamsa sa kei in.

6. Nuntakna (theory) sung ah, na khialh khak ding lau kei in. Khialhna i cih in sia(teacher) hoih mahmah ahi hi.

7. Bangbang na sem kha phial zongin, na nasep mah manpha sak phot in.

8. Pilna zon hunin pilna mah zong inla, zi/pasal ding zon hunin zi/pasal ding zong in. Pilna zon hun in zi/pasal ding zong kha kei in. Itna ngaihna bek tawh nuntakna a picingin kilam zo ngeilo hi.

9. Thu theih nadingin maizum lawh kei in. Pilna zong taktakte khut dawh ngen bang hilel hi.

10. Na veng le pam aa om mite in na gualzawh na nopsak hun ciangin hong pahtawi ding uh mangngilh kha thei mah ding uh hi. Ahi zongin na gualleh na gentheih hun tak ciangin hong zahko hong kawk ding uh hong ngak gige ahi uh hi.

11. Mi khempeuh muang kei in. Nang tawh a kisai mi khempeuh ii khut sungah a ki mu theilo nam/tem hiiam mahmah khatta om den hi.

12. Nang tungah hong kimawh leh na maisak zawh nadingin hanciam in.

13. Sum tawh kisai kuama tungah muang baih ziauziau kei in.

14. Na nial ngam kei aa leh na thuak kha ding hi. Na deih loh thu aom leh pilvang takin nialsuk giap ngam lel in.

15. A piang theilo dingte lamen dah lel in. Lametna in ni khat ni teitei teh buaina hong pia thei hi.

16. Lawm na ngaih nop leh ngai in. Ahi zongin na lungtang tawh limtak na ngaihsut khitteh na lungsim tawh khensat pan in.

17. Piakkhiatna hanciam inla, bangmah lamen kik kei in.

18. Mi khempeuh na ngai zo kei phial zongin na muhdah loh nading hanciam in.

19. Na deihsakna hong thusimh lo mi peuhmah awlmawh nawn dah lel in. Na lungsim daii zaw pah ding hi.

20. Piang thei ke'n teh cih vive tawh na kalsuan leh, a piang thei pipi nangawn mangcip thei hi.

21. Thu gen a siam mi na hizo kei phial zongin, thu ngaih a siam mi na hih zawh nading hanciam in.

22. Thu pen tawmtawm bek genin, tampipi ngai leng ahoih hi.

23. Citpiakna na hat zawh kei phial leh zong na hih zawh zah peuhin hunna khat peuh pia in. Ih khut pen lakna ding leh piakna ding ahi hi.

24. A cill huaite ah cill inla, a khol huaite khol in. Tui tak khat ii manphatna pen na dang a keu ciangin na thei pan ding aa, sum pek khat ii manphatna pen na khut sung a hawm ciang na tel pan ding hi.

25. Thu telcianlopi in a thei kineih kei in. Na theih loh aom leh dongh hamtang in. Dotna aom ciangin dawnna zong aom pah hi.

26. Ni khat in laisim hun ding tuam neih in. Laisimna in khuak cidam sak hi.

27. Amah koici mi? cih sangin kei bangci mi? cih lungngaih ding hizaw hi.

28. Mi te in a khutme tawh hong kawk ma-in, na kuhpi na tun zawh na'ng hanciam in.

29. Hun lapin lungdam koh ding mangngilh kenla, hun lap aa thumm ding zong hamsa sa kei in.

30. Mi pawlkhatte in hong gensiatna uh saang siam lel in. A gualzo a nuamsa mi khempeuhte in kim le pam ii gensiatna te awlmawhlo uh hi. Hangsan takin thuak siam uh hi.

Crd

Itna_thelnah 

Like-share&follow Tongsan thelnah