A TANU IN,A PIANNA NU LEH PA A LAI KHAK NA.

A TANU IN,A PIANNA NU LEH PA A LAI KHAK NA.

Nidanglai in khua khat ah nungak melhoih mahmah Luncing leh tangval melhoih mahmah Thangpu a om hi.Amau nih pen ki ngai mahmah uh a,ahi zongin Thangpu pen tangah khat hi a,apa in sihsan baih ahih manin nuntak haksa in,neih leh lamh bangmah a nei kei hi.

Nungak Luncing te ahih leh neih leh lamh kicingin a khuasung uhah minuamsa khat ahih uh manin Thangpu leh Luncing ki ngai a,a kiteen ding uh pen Luncing nu leh pa-in deih lo uh hi.

Tangpu leh Luncing in,nu leh pate deihsak lohna a theih uh hangin amau ki ngai lua in,a kikhen thei ding hilo uh ahih manun Luncing in,Thangpu zui-in,a ciah khawm uh hi.A ciahkhopna thu uh Luncing nu-in,a theih ciangin Luncing aw,tua mizawngpa tawh na kiteen bang ne-in,bang silh dinga bang cih nuntak ding nahi uh hiam?ci-in tawnga a tanu a sapkik sawm hi.Tua ciangin Luncing in,a nu kampaunate leh a khen kik sawmnate a theih ciangin hih bangin lai a khak hi.

To,

Kong it ka nu leh kapa aw,hong thei siam un.Ka piankhiat laitakin Pasian thupha hi,ci-in lungdam na ko uh a,ka upat ciangin zong tua bang lungsim a nei dingin kong lam en hi.Tua banah ka ngaih mahmah pasal ka neih ciangin haksatna tuamtuamte a thuak ngam dingin ka nei hi.Ahi zongin a kilawm lo kammal a pau khia dingin kong lam en kei hi.

Pasal a ka neih ngamkhit ciangin bangbang a piang zongin a nek bang ne ding leh a sep bang,a semdingin ka nuntakna buppi ka piaksa ahi hi.Tua ahih manin ka annek,ka silh ka ten leh ka nasep nate hangin a kilawm lo kammal hong zang kei un.

Nong khen kik sawmna uh ka zak ciangin ka khitui luangin ka kapkap a,ka pasal a khen kik dinga ka neih ahi kei hi.Banghang hiam cih leh dam loin khoi kul leh dom kul a,ka om ciangin hong buaipih ding pen ka pasal hi a,amah in zong hong it mahmah hi.

Ka nungak khit ciangin nu leh pate in nong kep nong khoi uh sangin ka itpih ka ngaihpih khat ih,hong kepding ka ut zaw hi.Sihna in hong phak ciangin zong ka lutang ahi ka pasal in hong vui leh ka ut hi.

Ka pasal anglumsung pan,ka lungnopdan leh ka kha-muannate hong theihpih le-uh cin maw.

Hong theih siam un maw,Nu leh Pa aw.

Credit,Dalsen Buansing