BANGHANG IN NAU KAP HIAM

BANGHANG IN NAU KAP HIAM?

😣😣😣😣😣😣😣😣😣😣😣

Naungek a kap(cry) ciang in a lungsim a thu om a gen na hi a tuate lak a kilang zawdeuh pen a gilkial(hungry)hang, na(pain)neih hang leh a heh (anger)hang, lau(fear) hang te a hihi cin mipil misiam ten gen uhhi,a hizong nulehpa a tamzaw te in tamasa(tacil)nei te in naungek a kap ciang in banghang a kap hiding hiam cih theihsawm in buaiahmah uhhi.

           Spanish Journal of Psychology a kankhiat na khat ah mithah omdan leh a kap dan pan in a hang ki thei thei hi cin gen uh hi.

Dr.Mariano Choliv in hidan in gen hi: "Nau ngek pen a heh ciang hiam aw a lau na hang a akap ciang hak a, natna nei a a kap ciang mitsi hi ci hi.

Hehna nei a a kap ciang in damkap mahmah  a hizong launa natna a nei a kap ciang in a aw ngeih mahmah hi cin gen hi.Dr.Choliv in naungek a kapciang in a duh a deih gen khiat na inzang pen a,atam zaw naungek in pen a sung a thu om a genkhiat na in zang hi ci hi.Dr. Choliv in naungek genhak  pawlpen kha 3 pan kha 18 a upa kapneh dan leh a nulehpa te kepdan khoidan pan a a kan khiat uh a hihi.

A heh na leh a lau na pen khentel ding haksa mahmah a,a hizong Dr. Choliv in hi dan in gen hi, acing akem te in natna leh lau na kap pen theih ding haksa sa mahmah uh a, a hizong natna nei a a kap ciang limkap mahmah diak hi a kem a koi te mahmah aading inzong lungsim na mahmah in ih lungtang hong koih mahmah hi natna a neih hang a kappen theihding baih penpen a,a hang in natna leh pumpi cidam na ding dan kidal na ding dan hong thei sak hi zaw hi.nau cing te aading in a manlang thei penpen a panlak vat na ding a hihi.

Naungek kap dan pen a tal a kinuai dan pan leh,mitmul(eyebrows),kam(muoth) leh muk(lips)a tatsak dan mai omdan(facial muscles) kim tatsak danpan  ki thei hi ci hi mipil misiam te in hi natna(pain),lau na leh heh na te a kankhiat na pan un mai omdan pan leh a tat dan pan in ki thei hi cih mu khia uhhi.

Heh na hang a kap a hih leh naungek te pen a mit uh misi ciplo in a langciang in hak hi(eye half-closed) a etna mun a et denkei leh koimah en lo hi, natna a neih uh ciang in a kam uh a ngeina in hiam aw a langciang inhiam aw kamka uhhi a ngeih theithei in kap uh a, launa hang a a kap uhciang in mitphia sakvet lo in a hahsung teng kap cihtak in kap uh hi.

Na ta ngek banghang a kap hiam?

Laigelh:Andrew Piang