CIDAMNA DING MINIT-10

10 Minutes Bek hi!

            Lutang na zelzel, Gim baih, Diipna cihte Sikhang nei te tung ah hi nuam deuh hi. Ih mut cimlo, lunggim (ngaihsut) na atam luat ciangin zongh  Si khang thei a hih manin ii ci ii sa kham, lungziing, ki hi ngeiingaii thei hi. Bangbang hi leh nang' leh na innkuan sungah Sikhang natna anei ii om leh 10 minutes sungin damna hong pia thei ding nam (5) om hi.

1. Bil nung leh Ngawng meksak in

           Veilam Bil nung pan ngawng gui damdam in meksak in! Si pai hong maan kik ding hi. Tua teh limsung a no. 3 mun meksak kawm in! Sikhang hang aa lung apna manlaang takin bei sak thei hi.

2. Veilam bek tawh huih diik in

             Sikhang manlaang takin akiam sak thei, na taklam khutpi tawh na taklam naakvang hu inla na veilam bek tawh huih diik in! Na pumpi tangsak sitset sa-in tu in! Tua bangin hih le cin 10 minutes sungin na Sikhang hong kiam kik ding hi.

3. Tui hai 1 dawn in

            Tui dawn atawm luat ciang pumpi  tui ki sapna hangin Si khang thei hi. Tua ahih manin huih na kham takin diik inla tua khit ciang tui dawn in hong hoih ding hi.  

4. Thallup in

            Sikhang akah lai tak sualtung ah thallup inla thagui neemsak in!  Mitsi kawm inla damdam in huih diik le cin sipai hong maan kik ding aa na ci hong zaang ding hi. 

5. Khe lum sak in

                Sikhang akah laitak Lutang leh Ngawng avot ding ki sam hi. Kuang gol khat sungah tui lum koih inla 15 minutes sung, a khe diah sak le cin sipai hong maan kik ding aa sikhang hong kiam ding hi. 

Transl - THTtt

Crd - MAY THAZINHTOO