INN NUPI HOIH TE TATZIA

INN NUPI HOIH TE TATZIA

(1) A pasal sangin mi pasal te thupi sak zaw ngeilo a, mi tawh zong tehkakkak ngeilo hi.

(2) A pasal gensia ngeilo a, phat den zaw hi.

(3) A pasal maipuak le mithek theisiam den hi.

(4) A pasal khualzin ciangin ki thawipih a, a ciah ciangin zong maitai takin dawn hi.

(5) A pasal thanem hun ciangin thapia siam den hi.

(6) A pasal heh ciangin ki nem sak a, pengpelep bangin tungnung kidem lo hi.

(7) A pasal a it mah bangin a tekte zong itpih hi.

(8) A pasal kampau selgawp pah ngeilo in, a kampau zong tuh ngeilo hi.

(9) A pasal ut le kin te kinpih thupi sakpih hi.

(10) A pasal tungah thuman in citak tawntung hi.

(11) A pasal vang pia in tawisang siam hi.

(12) A pasal i duh le duhloh te thei a, mehbawl siam hi.

(13) A pasal nasep na peuhpeuh ah ciamnuih san ngeilo a, thapia den zaw hi.

(14) A pasal adingin lawm hoih pen hi tawntung hi.

(15) A pasal vaihawmna leh Pasian nasep nate ah lawppih kinpih den a, ki selhpih lo hi.

(16) Sumzat siamna dingin sazian neih hi.

(17) A itna te imlo in genkhia zel hi.

(18) Innkuan sungah phunciak den ngeilo hi.

(19) A nunglam le a malam kilem sak den hi.

(20) Hawmthawh bang lo in kizen sitset a, siangthona thupi sa den hi.

(21) A tawntung in Pasian phawk den a, lungdam na zong phawk tawntung hi.

(22) A hoihlo lam sem dingin a pasal hanthawn ngeilo hi.

(23) A nupa un pum khat ahih lam mangngilh ngeilo hi.

(24) A gen ding thute a paukhiat ma in khingkhai in ngaihsun masa den hi.

(25) A tate a ki bangin it kim a, guptuam paihtuam neilo hi.

(26) A tate adingin  etteh huai nu manpha in ding tawntung hi.

(27) Vai thupi le sum lom zat nadingte ah a pasal kuppih hamtang den hi.

(28) Sepkhialh bawlkhialh a om ciangin theih siamna nei hi.

Source:  Tongsan thelnah