NA ZI KA HIH HUN CIANGIN

NA ZI KA HIH HUN CIANGIN

Vak nading na neih ciangin kong zuihnop ding leh kong zuihnop loh ding hong dong masa in.Numeite pen pai nading khatpeuh a om ciangin kithawi zia-kai ka hih lam uh hong theihpih inla,hong nawh lua kei in,sawt kaai kei ning nong cih leh ka thei siam ding hi.

Ka hihna bangbang in,hong thei siam in,ci keng,mihing ka hih manin kaki cinloh nate khempeuh itna tawh hong hilh in.

Ka mo thakni panin zingsang a tho baih dingin nong ngaihsut leh nangh zong zan hunciangin ngamtatdan siam inla a hoih bek thei in.A gim thei,a na thei leh a tawl thei ka hih manin zing thawh ding hun hong phawkpih in.Ka thawh hak hunciangin innkuanpihte tawh kikal ah,a lai ah hong ding inla hong thei siam in.

Annek ciangin sa leh meh lim ii bawl ciang suak ngam loding ka hih manin hong suah zel in.Ka mi zia a thei sa a,nong teenpih ka hi hi.

A kicing khin lo mihing ka hih manin ii nu leh pa,innkuanpihte leh nang ma tungah ahi zongin ngamtat khelhna leh kampau khelhna ka neih ciangin hong tawng pah loin aw nem tawh hong hilh masa in.

Innkuanpihte tawh deihna leh ngaihsutna a kibat loh ciangin mo ka hih hangin daitak a,a om khin dingin hong ngaihsun kei in.A heh thei mihing ka hih manin hong kin inla,a lai-ah hong ding lecin daitakin ka ompah ding hi.

Na lawmte ahih zong,midang khatpeuh in,a vak dingin hong zawt ciangin aw ci pah loin hong gen zel inla,hong gen masa loin koi mahah hong paisan kei in.Nang ma hanga ka om ngei lohna inn a,a om ka hih lam pawkden in.

Natna khatpeuh ka neih ciangin itna tawh hong pom inla,ka khitui hong nulsak hi.

Inn ah na omciangin nasep tam a,ka buai hunciangin om mawkmawk loin hong huh zel in.

Zan ciangin hong ihmutsan pahpah kei inla,na ihmut a suak hia,ihmu ta ni maw ci-in,hong kawi in,hong ihmutpih in.Ka gen ngam loh ding teng khempeuh hong theihpih inla,kei aa dingin hunlem en-in,hun awng kipia in.

Nau haih in,duh leh duh loh hau in,ka sintom in,ka phunphun khak leh zong theih siamna tawh hong en inla,ka heh ciangin zong,ka gennop teng ka genkhit dongin lungduaitakin hong ngaihsak in.

Hih teng pen natunga thu neihnopna tawh kong gen hi loin kong it pen leh kong muan pen nahih na tawh a hong gen ka hihi.Numeite in,ka muan loh uh pasalte tungah bangmah ka gen nuam kei uh hi.

Crd

Laigelh: Dalsen Buansing