VALENTINE'S DAY ZANGKHIAL KEN

VALENTINE'S DAY

(Ki dawm un maw, Tuni! Nau te!)Feb-14

Sanggam Numei na neih leh Tel sak in!

          Zomi Nu ngak/Tang val pawl khat te Feb- 14 ni hong tun ding ngak lah mahmah uh hi. Ki ging khol sitset dingin kong um hi. Zat siam ding ki sam hi.

*Lawm ki ngai te'n aneih sun uh tawh puan ki bang lei uh aa silh khawm uh hi.

*Pawl khat te Chocolate ki lei sakin, Lingpaak (Rose) hoih mahmah kipia uh hi.

*A nei pian zaw deuh te zungbulh, khi, tau leh a hoih nono ki pia uh hi.

*It na tawh khat le khat present ki piak pen hoih mahmah hi. Ka khangno lai hi zen leh kei zong ka ngaihno ading pia nuam sarm ing ei. 

* Feb 14 ni aki mu khalo leh aki ho khalo, aki heh sak kha te ki khen thei hi… cih! bangdan! Um thei mahmah uh hi.

Nu Ngak ten Theih Huai

*Feb- 14 ni Zomi khangno tampi-in tel lo pipi in zangh pong uh hi.

*Ki teen ni leh omkhop/lupkhop ni hi lo hi.

*Nungak ten na pumpi na kep ding ahi hi. V-day omkhop manin na vaang bei sak kha kei in!

*Sex pen pasal te adingin vang kiam pihna om khol lo hi. Numei te adingin khat vei khialh khantawn khom hi.

*Tu aa na lawm ngaih pen na pasal taktak ding ahi zongin Ki teen ni ahih loh lam phawk in!

*Aval aa gamtat nopna deih ki tuak, duh ki bang ahih leh bel nang pumpi nang khen tat ding hi.

*V-day omkhop manin ki tul hi tuan kei!

*V-day vakkhop manin ki ngai deuh hi tuan kei!

*V-day ni Pa' ki cian omlo Mi' ki beh lap ni hi.

*Hun bei, Sum bei, Vaang bei, A manpha mahmah na siantho na Valentine ni-in mawk bei sak kha kei in! 

VALENTINE'S HONG PIANNA

              Kum zalom 3 lai pek in Rom gam pan hong kipan khia hi. Kumpi Kalorite in a Gammi pasal te zawhthawh thu tawh gal sim sak hi. Papi ten azi ata te uh nusia,  Tangval ten alawmngaih te uh nusia in galsim sak hi.

              Lunglen huai leh khua ngaih huai mahmah hi. Azenzen in galsungah sihna manna khat nei leh a it mahmah uh a pasal, alawmpa te taan lawh ding hi lai hi.Tua kawm kal Kumpi pa in a Gamsung ah nungak tangval kiteeng thei lo ding cih thukhun hong bawl beh lai hi.

                 Tua hun lai takin Kumpi inn gei ah Biakinn khat om hi. Tua Biakinn ah Pastor Valentine aki ci khat om hi.Pastor Valentine in Kumpi te theihloh kalin nungak/tangval ki ngai te ki teeng sak sim zel hi. Asawt lo-in kumpi te'n thei ahih manin Pastor Valentine man uh aa, 

AD 270 february 14 ni lian in that uh hi.

                  Pastor pa a it khempeuh in a luanghawm limtak in vui bawl uh hi. Kumsim in  February 14 ni Pastor  Valentine sihni phawkna in Valentine Day ci-in zahtakna pia den uh hi. 

                  Tu ni ciang dong leitung bup in Ni thupi khat in ciam teh hi. Zat loh ding hi lo aa Zat ding mah hi. 

          Note: Ki teen ni hi lo, lup khopni hi lo hi cih! Nu mei te theih ding deih sakna ahi hi.

Crd