MI HUP THEIHZIA

Mi Hup theihdan

1. Ngim namtui

Hiapa, Hianu dan hileng ci'n ei leh ei mite tawh ki et-kak theizel hihangh. Mi hup theihna ingah theihna ding in Thacing, Melhoih kulselo in mikhempeuh in ki neithei lua hi. Tuamanin mi hup theihna ding in ingim namtui kisam hi. ngim namsia leng kuamah ikiangah hong omzolo ding ahi hi. Tua ahihmanin na ngim namtui sak vangvang in.(Mipil ten zongh ngimtuina in mi hup theihna kingah hi cih amuhkhiat uh ahi hi.

2. Puan silhdan

Bangdan mi ihiam, asang maw, atom, athau maw, angawm cihte thupi masalo hi. Puan tamman, tawmman cihzongh hituanlo hi. Mi hup theihna ingah theihna ding in athupi in ei tawh aki tuak puan i silh theih ding kisampen hi. Gtn nang ngawm ding in puan puahlialua cihte silh leng kilawm hetlo ding hihangh tua ahihman in eima pumpi tawh kituaklian puansilh itelsiam ding thupi hi.

3. Puan color

Thupilua kei bangbang puan isilh zongh icithei hi. Pasalte ahihleh puan azing lam avomlua ahilo lam kilawm. Numeite ahihleh puan puang lam akanglua ahilo, in mite mit lapen hi. Tua ahihman in ikilawmpih ding ipuansilh leh bombiten aki (like)lawm mah hiam cih itheih ding kisam hi.

4. Kimuanna (confidence)

Kei ka maizum, ka zakta, ho ngamkengh cihbang in ei leh ei kimuanna kineilo thei hi. Kimuanna pen mi hup theihna ding athupipen khat ahi hi. Mi hong hopih ding lau cihte, mi va ho ngamlo cihte, akl mi'n hong hopih ciang maizum cihbang in iom leh mi hup theihna kingahlo hi. Tua ahihmanin mi hup theihna ingah theihna ding a thupi mahmah in mi et teh theih ding leh mi muantheih dinga omdan gamtat luhekdan isiam ding kisam in thupi mahmah hi.

Theihding: Numeiten Pasal kamtam leh kiphasak cihte pimuhlo in ngai theilo se uh hi.

Pasalten Numei thadah leh thumanglo cihte thupisimlo uh hi.

Laigelh: Mangtae Buansing