CONFIDENT NEIH THEIHDAN DING

Ei leh ei kimuanna (confident)neih theihdan ding

1. EIMAH TUNGAH IH HOIH KUL

Ih it diak, ih khual diak te tungah ih hoih bangmah in eilehei zongh ki it ki khual ding ahi hi.ih it ih ngaihte tungah atunglo ding ih deih bangdan mah in na tungah tungsaksak lo ding hiteh. Ki manpha sak inla ki it in. Nanga ding akisam pen nangmah na hi hi. Eimah ih ki manphat sak lohluat ciang confide ding haksa hi. Hih thei ing misim mawh theihding hikeng ci'n kimuang inla tuabanglian mah in ki hanthawn inla na tungah kihoihsak in. Eima siatnate gengen hoihlo a, kiphat a ki hanthawn ding hoih hi. Information kici eimah kihanthawn in eimah ki ho in ki thudot zel kisam hi

2. KI KEPCING KISAM HI

Eimah leh eimah Ki kepcing ding ahi hi. Tua in kimuan theihna nakpi in hong nei sakthei hi. Eksisai, an cidam, ihmut cim cihte eimah ki sintoto in theihna tangzai sak ding zongh thupi hi. Eimah cidam in lungsim lam cidamna  thahatna theihna hoihte ih neih ciang eimah kimuanna ciang kinei lel hi. Eimah leh eimah Kineu etden leng confide theihloh a, Kidaithat den kha hihang. Ih sunglam kikemcing masa peuhleng apualam ah hong kidawk khia thei lel hi.

3. SILH LEH TEN TELSIAM KUL

Puan silh leh ten dan pen thupi mahmah hi. Eimah ii confide theih ding puan te mah silh in siangtho na lam thupisak ding hanga g-mui ahoihbekciang kikap ding zongh hoih hi. gim khaulua hikei henla. Ih First taktak nakleh confide theihna ding zongh baih hi. Puasuah ding ciang in ki sitphat zel ding zongh hoih hi. Ih mawiza bulh akibangmah hiam cihte etlawm lohna omhiam cihte ki sit phot zel ding thupi hi. Tua hikeileh puasuah khitciang  milak ah zumhuaina kituak thei hi. Milak ah ih pai laulau pih ngam ding mah silh ding hoih hi. Miten kilawm ong cih ding himasalo a, Midang tam mahmah ahihmanin kilawm lua hong kicikhin khawllo ding hi. Nangma'n kilawm nakisak ngiat mah tel inla silh lel in. Miten kilawm hong cihte nang kilawm kisa keilecin ki confide theituanlo hi.

4. MITE HONG MUHNA BUAIPIH LUA KEN

Mihing tamlua hi. Mi khatle nih ii hong muhdan peuh tawh eima kimuanlohna suaksak loh ding kisam hi. Mi hong muhdan eima hihna hituanlo a, ih nasep nate ah mite hong genna te ih lunghihmawh pih luat ciang kimuanlohna kinei khathei a, ih sepsawm na khatpeuh zongh ki sem ngamlo khathe mawk hi. Hoih hi cia ih sawmna khat sep ngam suk le ding hi a, ih hihkhialh leh sinna hoih khat cihna hipah lel hi.

5. AKI LAIH THEILO NATE LUNGKIM PIH LEL IN

Na pawlkhat ei thuneih theihlohna om hi tuate lungkim suk lel ding ahi hi. Ih pumpi tungah leh ih piangzia te ahi hi. Hoih akisa mahmah mi khat inzongh anuntakna ah lungkimlohna hoih akisaklohna khatciat nei veve uh hi. Tua hia Pasian in hong bawldante ih awsuakdan te ih sangdante ih vun color te ih mizia te tualniam kisa in iki gensiat den sesangin hoihtakin iki kep ding hi a, tuabang hikeileng ih kimuanna pen sia thei hi. Eilehei kiliansak lo in, ki etlawm sak ding hanga Kiphat ngam ding ahi hi.tua in confident hong neisak theibek hi.

6. NA MUH NA PEUH TAWH KI TEHKAK KEN

Social media a ih muh na te tawh ki tehkak loh ding hoih hi. Tuabang hikeileh ahoihlo in ki ngaihsun theikha hihang. Iki tehkak ding veve leh nidang hun leh tuhun aa eimah leh eimah ki tehkak ding hoihzaw hi. Nidang san'g ka kilamdang hiam? Nungkum san'g ka theihna sangzaw hiam? Cih ki tehkak huai hi. Eisanga hoihzaw hong ombeh tozel a tuate tawh iki tehkak ciang ih confident level niamkhiat thei hi.

7. POSTURE

Hihpen Saikologi ten zongh limgen mahmah uh a, ih lungsim leh pumpi kizom ahihmanin ih lungsim anat leh ih pumpi inzongh thuak hi. Lungsim lam haksatna pen pumpi lam tawh pankhawm in ih hanciam ciang ki hoihsuah baih zaw hi. Maizum, kisuang, kamtawm, zahkai, ommilmul, om hithiat cihte kimuanna neih haksa kici hi. Hite pen ih pumpi gamtatkhiatna pan in kilaih thei kici hi. Dak veuvau pian mah a om ding hoih hi tuain kimuanna confide hong neisak thei hi. Ih pumpi omdan in ih lungsim inzongh na hongsem ding cihna ahi hi.

8. MITE HUH PANPIH THEI IN

Na mawkmawk bangnapi'n midangte ading na thupi hi thei hi. Gtn akisamzawte tutna awn cihte midang ih huh thei mawkmawk naten feeling kimanpha sakna hong piathei ahi hi. Na khatpeupeuh ah bang hiam aw khat ih kipiakhiat ciang in kisuangna kineilo zaw pah hamtang hi. Tuapen confident hoih aki nei na hi gige pah hi. Gtn na innkuan sung vuah vok khat khawi in an khatveizongh apia ngeilo kimanna neilo khat hilecin tua na vok khawi uh na zuak uh ciang mihing ngeina na hih leh na deih leiding genkhia ngamlo ding hiteh kisuangna giugiau nei ding hiteh.tuabang mah in ih gam sung, khua sung, pawlpi sung ah na hoih sem a, ih mihing pihte ading in sepna/mapang na ih neih ciang eima kimuanna khat hong nei sak lel hi. Kisuanglo pah hihang.

9. LAUH THAWNGNA TAWH

ih sep nopkhawllohte sep teitei hoih hi

Eimah lauhna zawh theih ahi hi. Tuapen ih zawh a leh confident ki nei ahi hi. Mi lawhcing taktak ih cihten na thupi sak mahmah uh a, na haksa acih alauhte pen hih tantan lel uh hi. Na alauh huai theitheiten confide hong neisak ding hilo zaw a, ih lauhna te ih zawh theihna in ih lungsim ah ken zongh hihthei ing cih kimuanna hongpia a, eimah ki muhsangna kineih lawh cihna ahi hi. Mi ho ding haksa asate, mi lakah maizum cihte kizo thei hi. Tuatepawl in meltheih ngeilohte ho tantan thei uh a, naisat zah atheilo hilo in, nai satzah khawng dong pong thei uh hi. Tuabanga ih hih nawhzel ciangin confident hong neisak ding hizaw hi. Zahkaina te hong zawh pih thei hi.hun Khangto a, khangual banding ten maizum theih loh ding zongh kisam mahmah hi khatveivei. tuabang  te ah hong kitangsam mahmah ding hi. Tuabang nengneng te ih hih zawh nakleh confident kimuanna hong nei sak toto thei hi.