Haaigah min hoihna

Haaimin

Haaimin nekna tawh phattuam na tampi te lakpan a thupi zawdeuh teng a nuai aa bang hi.

(1) Vun

 Vun tawh kisai hoih sak mahmah aa, vun tung aa omthei a phuan siseuh te zong damsak hi. 

 Nisa hangin cikeu na, vunton na, maivun ton na te hoih sak hi. Tangsiat, maidup cih bang te zong dal hi. A neisa te in zong haaimin nene leh damsak zo hi.

(2) Mit 

Mit/ mit tha a hoih na dingin Vitamin A kisam mahmah hi. Haaimin sungaa Alpha carotin leh Betacarotin in ih sinsung panin Vit A in ong kilaih hi. Tuaban ah nisa sungaa dat khauh lua (ultra violet) adal hangin mit tha kisiat na ding pan hong dalsak hi. Kumham lam ciang aa mit hoihloh nate zong dal hi.

(3) Gilsung

Gilsung lam zong hoih sak in sungneem sak hi. Sungkhaak thei ten haaimin ni khat pumkhat ta ne zo leh sunghoih sak hi. Zatui nek sang hoih zawlai hi.လိပ် ခေါင်း, gilzang cancer cih te zong dal hi.

(4) Acid

 Acid tawmluat na hang aa piang guh leh taang na, kal ah suang om, sivuii damloh na cihte zong dal hi.

(5) Cancer

Cancer natna pawlkhat dalzo hi. A diakdiak in Gilzang cancer, nawi cancer, zunbu cancer leh si cancer te dal hi.

(6) Sisan sungaa a thau te kiamsak

Ih pumpi sungaa a thau hoihlo te lutsak lo, dal, kiamsak aa sivui sungah athau te a kikhol loh nading in na sem hi. Tua ahih manin sisan sung aa athau te kiamsak bek thamlo in mihing zong gawng tuam sak hi. 

(7) Natna dal

Pumpi taksa tha hat sak ahih manin natna te dal hi. Ultra violet (nisa lua sungaa dat) in pumpi kidal na te kiamsak ahih manin Ultra violet a lutloh na ding hong dal sak hi.

Source: FAME Pharmaceuticals