Uihai pehna

Uihai in hong pehleh ki kepzia ding

A masa pen in hong pehna liamma tuisiangtawh phatak in silsiang sitset in. Satpia tawh minute 5 bang sil in.

Hong pehzawh nai 24 sungin uihai damna zatui ki sun in. Nai 48 khit a za na kisutleh ziakai lua khin hi.

Khat vei na ki sut zawh ni 2 khit ciangin khatvei ki sun kik inla, tua zawh ni 5 ciangin a thumveina ki sunkik leuleu in. Ui in hong pehzawh ni 14 ciangin a 4 veina ki sun leuleu in.  

Ui in hong pehzawh ni 28 ciangin a 5 veina zatui ki sun in. Zatui 5 vei kisut ding hia, a hun manlo ni na 2 ziakai khakleh a patna pan ki pankik in. Ni nih na ziakai peh zatui in nasem nawnlo cihna a hihi.

Uihaite tatzia

A omdan ki lamdang

Ni thapai ham"

Hehna tawh na khat peuhpeuh pet den

A kampan cilphuan kai

An ne nuamlo

Pau ngai nuamlo in hehbaih

Uipilte in tua uihai naak ding uh hi.

Uihai pawlkhatte sawipai dada uh hi.

A gamdai na ah ihmu uh a, thakhat in tai veve in mi pet ekh thei hi

Ui in mi a pehkhak leh tua ui natna mi tungah ki lang hi. A pehna leh a khuakbu ki gamlatna tawh kisai in a manlang leh a ziakai om hi. Gtn: gawng pan hong petleh ki langbaih a, khutlekhe pan hong petleh ki langhak hi. 

A tamzaw ni 2-5 kikal in ki lang a, pawlkhatte kum 6 bang ciangin zong a natna suakpan hi.

Ui in hong pehnakleh thakhat in a zatui ki sutkholh ding kisam hi. A zatui om keileh a mi hai dinga, sithei lai ding hi.

Ui pehna hangin a piang siatna pen a beisiang dongin ki bawlthei lo a hihmanin ui in hong pehloh dingin ki kep ding kisam hi. 

I khawi ui te in zong hong pehkha mawkmawk thei hi. Uipil in hong pet zongin a gu om veve hi. Tua a hihmanin i khawi uite hoihtak kepcing ding a hihi. Ui hai na muhleh paisan in. A gei nawk in pai tantan se kei zaw in.

astb