Nawizu paitheilo

Nau suah khit phet nawizu a paipah lohna,

Nawizu pai napi nau nawi a piakpah theihlohna, 

banghang hiam?

Nupi a tamzaw te pen nau a suah khit phet un nawizu pai pah in nau nawi piathei pah uh hi. Pawlkhat te pen nau a suah khit phetin nawizu nei nailo ahihman in buaina tampi om thei hi.

 Nawizu a paipah lohna a hang te

❌ Nau a paai sungin nawituam ki gak a silh den te

❌ Nawi muk asungah a tum le naupaai lai pekin a dawkkhia khollote (Ki sil sim khut tawh a pua lam ah kai ding)

❌ Nau cil ahih mah in nau nawi piak ding a zum, a lau te

❌ A hang tuamtuam hangin a ta nawi a pia nuamlo te

Nawizu a tam nading in bang cih ding

✔ Nau nawi piak nopna lungsim nei ding

✔ Tha om na dingin nek le dawn tan neilo ding

✔ Nau gilvah nading ngaihsun zaw in lungkhamna tuamtuam te puak siam ding

✔ Nau nawi na piak khit ciang na gil a kial le tha om thei nek le dawn ne ding

✔ Ihmut cim ding ki sam ahih manin naungek a ihmut ciang Nu zong ihmu pakpak ding

✔ Nau nawi piak ciang, taklam le vei lam a ki kim in pia ding. Nau in a kham khit ciang nawizu a bei nai kei le suukkhia ding. A bei dong suukkhiatna in nawi zu tam sak zaw hi. A kik ciang piak dingin sitbawl hoihlo hi. Suukkhia kei lehang nawi gau lua in na thei, meima piang thei hi.

✔ Nawi tep kawmin naungek a ihmut le naungek kamsungah a siangtho na khut me leng thunsuk inla nawimuk lakhia in. Nau zong phawng lo in nawimuk zong na lo hi.

✔ Gilkial lua in naungek in nawi a tep saisai ciang huih tampi valh kha thei hi. A gil puak in nasa thei ahih manin nau nawi piak khit simin nai lang kiim naungek tung tawi in. Tung tawi na-in huih lakha beklo in nawi lua kik sak lo hi.

✳ Naungek in nawi a kham le a khamloh bangci theih ding ✳

✅ Nawi a tep khit ciang nai 2-3 kiim a ihmut dide le nawi a kham lam kilang hi.

✅ A hun hun in a pumpi gikna (Body Weight) hong khang le nawi a kham ngah ahih lam ki thei hi. 

Deihsakna tawh,

Hau Lun Lam-etna

Ref:

Engagement

Mother breast milk

ရတု