Ta Cidam Neih Nading Folic acid (Vitamin B9)

Ta Cidam Neih Nading Folic acid (Vitamin B9)

Numei a tamzaw in nau a paai zawh kal(3) ciang bang amau le amau nau a paai uh lam ki thei nailo uh hi. Tua hun laitakin zun sit sak leeng zong ki tel nailo hi. Nau paai zawh kal (4) hong phak ciang ki thei pan hi.

Nau paai lam a ki theih nailo hun kal (3) pan in pumpi ading a thupi penpen khuak le pumpi in natna satna cih bang ih khentel theihna te hong piankhiatna ahi Neural tube pen hong piangkhiat hun hi aa kal (4) na ah tua neural tube hong ki khak ta hi.

Tua neural tube a pian laitak in naupaai nupi in Folic acid a kicingin nei kei le khuak lam cidamlo naungek(neural defect) hong piang thei hi.

Neural defect nei naungek te bangci bangin lauhuai hiam?

- Naungek a kawngzang ah sabawk pi omsa in suakthei

- Luguh neilo pi-in suakthei

- Khuak neilo pi-in suakthei

Bangci ki dal ding?(WHO in a genna ah)

- Naupaai ding na khentat phet in Folic acid nikhat in 0.4mg a om tang khat ta ne ding

(A tawm pen naupaai ma kha khat le nau paai khit kha nih ne ding)

- Neural tube defect nei naungek a suak ngei nupi-in a cidam naungek a neih nadingin folic acid nikhat in 5mg a om tang khat ta nek ding ki sam hi.

Deihsakna tawh,

HauLun Lam-etna

Ref:

Neural defect (WHO)

ကိုခွန် (ဆေး - ၂)