Natanu kum 10 acinmain

 Na Tanu Kum(10) A Cin Ma-in

Kum 10 kiim ah a nuai ateng hong ki lamdang ding lam hilh khol in.

👧Pumpi hong ki dok zaw(tun khang) in pumpih gihna zong hong khang ding

👧Tangsiat hong po ding

👧Nawi le taw zong hong khang ding

👧Mul hong khang ding(le-nuai le kalkawm)

👧Lungsim ngaihsutnate hong ki lamdang ding ( zumtheihna khang, suakta takin omnuam, hoihnopna khang, pasal te tung lunglutna khang)

👧Niin hong nei ding

Niin hong neih uh ciangin lauthawng lo-in a ki sam bangin a gamtat theih nadingin anuai ateng hilh khol in.

1. A cidam numei khempeuh in kum acin ciangin niin ki neikim aa, a lauhuai a zum huai ahih lohlam hilh in.

2. Kum 10 - 14 kikal in niin neih ki pan hi.(kum 9 a neih baihna le kum16 dong neih hakna zong a lauhuai hilo hi.)

3. Numeite kalkawm ah a vang thum om,

A khatna pen zunthak nading

A nihna pen niin neih nading

A thumna pen dailen nading ahih lam hilh in.

4. Numei pawlkhat pen niin a neih ma-un niin kang ahkl coffee mel napnel daan pai masa thei hi. Niin neih ciil-in si tampi hong paipah lo ding ahih manin a patauh huailoh lam hilh khol in.

5. Niin neih ma le niin neih sungin taai natna, nawi natna, lutang natna le huih tamna(veih tam) cih daan hong piang theih lam hilh khol in.

6. Niin pen kha khat khat veita aki nei hi-aa neih cil in kha sim a pai kei le lauhuai pah lo hi.

7. Niin neih sungin 

- lungnop sak ding

- Inmut cimsak ding

- Bombi siangtho teeng ding

- kawng hong gaak lua bombi le niik te teeng lo ding

- Tha om thei neek le dawn ne ding

- Pumpi siangtho sak ding (Lu zong ki sawp thei)cih te a ki kepsiam nadingin hilh khol in.

8. Taai a nat le tui lum tawh tuam ding, a nat luat le zatui a ki nek theih lam hilh in.

9. Si a tampai lua ahkl niin neih zawh ni (10) val a sawt le zato ki lak ding ki sam hi.

10. Niin dap lei kholh sa in koih sak in.

11. Niin neih ciang ta ki nei thei ta ahih manin gamtat ki dop huai te zong hilh khol pah in.

Ref: အပျိုဖော်ဝင်လာမယ့် မိန်းကလေးများအတွက် သိမှတ်ဖွယ်စာအုပ်

Deihsakna tawh

HauLun Lam-etna