ဆီချက်ခေါက်ဆွဲ

ဆိုင်တွေမှာရောင်းတယ့် ဆီချက်ခေါက်ဆွဲလိုမွှေးမွှေးလေးနဲ့စားကောင်းစေဖို့ နည်းလမ်းအမျိုးမျိုးကို လွန်ခဲ့တဲ့ ၅နှစ်က father 👴 ကြီးကိုမေးကြည့်ခဲ့တုန်းကတော့ 

ဆိုင်တွေမှာက ဘဲဆီတို့ဝက်ဆီတို့နဲ့လုပ်ကျတယ် ။အိမ်မှာအဲ့ဆီတွေမရှိရင်ဒါမှမဟုတ် မစားချင်ရင်တော့ ကြက်သွန်အဖြူကိုအခွံပါတူးအောင်ထည့်ကြော်ပြီး စကာနဲ့စစ်ဖယ်ပြီး ခေါက်ဆွဲကိုအဲ့ဆီနဲ့နယ် စျေးကအဖြူကြော်ကိုသတ်သတ်ဝယ်ပြီးဖြူးတာတဲ့ အရင်က ကျွန်တော်ကိုချက်ကြီး ဆီချက်ခေါက်ဆွဲ ရောင်းခဲ့တုန်းက နေ့ရက်လေးတွေပြန်သတိရလို့ အမျိုးတို့ကို ကျွန်တော်တို့သိတဲ့နည်းလေးမျှဝေလိုက်ရပါတယ်ခင်ဗျာ။🙏🙏🙏

ဆီချက်ခေါက်ဆွဲကို သမီးလေးကြိုက်လို့ ခနခနလဲလုပ်စားဖြစ်တယ်၊ လွယ်လွယ်လေးဖြစ်လို့ အမျိုးတို့လဲအိမ်မှာအခုပဲ လုပ်စားလိုက်တော့နော်😋🍜🍝

👉ဆီချက်ခေါက်ဆွဲ(ကြက်/ဝက်၊ဘဲ၊အမဲသားလွှာ)🍜

Garlic Oil Noddle🍝

၁။👉အသားပြုတ်မယ်(⭐️ဝက်နံရိုး၊ကြက်ပေါင်း၊ဘဲပေါင်း၊အမဲသားလွှာ၊ဝက်သားကင်၊ကြက်သားကင်တို့နှင့်လဲတွဲ၍တည်ခင်းနိုင်သည်)

 🍖🍗အသားတွေအရင်ဆုံးရေဆေး ရေစစ်ပြီး ၊ (⭐️ဆား၊သကြား၊အရသာမှုန့်၊ကြက်သွန်ဖြူ၊ဂျင်းတစ်ပြား၊ကြက်သွန်ပင်အရင်း၊ဟင်းချက်ဝိုင်၊ငရုတ်ကောင်းမဲ၊ပဲငံပြာရည်အကြဲရည်၊အနောက်ရည်နဲ့ခရုဆီ ကြိုက်ရင်ထည့်ပါ၊နှမ်းဆီမွှေးအနည်းငယ်)တို့နှင့်အရသာနယ်ပြီး Pan-Grilled (⭐️ဆီမပါ(သို့)ဆီအနဲငယ် နှင့် အသားတုံးကိုအိုးနဲ့ကပ်ပြီးကင်) ခနလုပ်ပြီး ရေကိုအသားမမြုတ်တမြုတ်ထည့်ကာ အဖုံးအုပ် မီးအနေတော်နဲ့ပြုတ်ပါ)

၂။👉ဆီချက်ဆီ 🍺

 ⭐️အသားတည်ထားတုန်း 🧄ကြက်သွန်အဖြူဥသေးလေးတွေကိုအခွံပါထောင်းထားပါ ကျေအောင်မထောင်းရ ဆီနဲ့တူးအောင်ကြော်ပြီး ဆီပဲသတ်သတ်စစ်ပြီးယူထားပါ။(ဘဲဆီ၊ဝက်ဆီစားရင်သုံးနိုင်သည်)

၃။👉 ဆီချက်ခေါက်ဆွဲ/ဂျုံခေါက်ဆွဲပြားသေး 

ဆီချက်ခေါက်ဆွဲလုပ်တဲ့ခေါက်ဆွဲကို ရန်ကုန်မှာဆို သံစျေးကခေါက်ဆွဲဆိုင်တွေမှာ ဆိုင်စျေးနဲ့ ရနိုင်ပါတယ် ။စျေးတွေမှာရှိတဲ့ခေါက်ဆွဲဆိုင်တိုင်းမှာလဲ ရနိုင်ပါတယ်။ ကျွန်တော်က အစီအစဉ်မရှိပဲလုပ်စားဖြစ်တော့အိမ်မှာရှိတဲ့ ရွှေမျှားခေါက်ဆွဲကို ပြုတ်ပြီး ဆီချက်ခေါက်ဆွဲ လုပ်စားဖြစ်ခဲ့တယ်။(⭐️ရေကိုဆီနဲ့ဆားနဲ့ထည့်ပြီးပွက်ပွက်ဆူမှ ခေါက်ဆွဲထည့်ပြုတ်မယ်၊ခေါက်ဆွဲကိုအရမ်းမပျော့ခင်ဆယ်ယူပြီးရေအေးနဲ့ဆေးဆီနဲ့ဖွနယ်ထားပါ၊စားခါနီးမှရေနွေးနဲ့ချက်ခြင်းဖျောပြီးပန်းကန်ထဲအရသာထည့်မွှေပါ)

၄။👉ဆီချက်ခေါက်ဆွဲအချဉ် ကြက်သွန်နီ/ဂေါ်ဖီ အချဉ်🧅

 အချဉ်အတွက် ကြက်သွန်နီ/ဂေါ်ဖီ ပါးပါးလှီးထားမယ်၊ (⭐️ငရုတ်သီးစိမ်းအတောင့်လိုက်ကို ရှာလကာရည်၊ရေ၊သကြား၊ဆားတို့နဲ့ အချိန်ရရင် အချဉ်စိမ်ထားပါ) ငရုတ်သီးစိမ်းချဉ်တွေလှီးထားပါ၊ Chilli Sauce တစ်မျိုးမျိုးကို ကြက်သွန်စိမ်း ၊ ငရုတ်သီးချဉ်တို့နဲ့ အချဉ်လုပ်ထားပါ။ကြက်သွန်မြိတ်ပါးပါးလှီးထားပါ(⭐️အဖြူမြိတ်၊အနီမြိတ်နှစ်မျိုးလုံးသုံးနိုင်သည်)

၅။👉ပဲငံပြာရည်ကြို

 ပဲငံပြာအကြဲရည်(ခေါင်းစိမ်း)၊ခရုဆီကို ပဲငံပြာရည်ရဲ့သုံးပုံတစ်ပုံပဲထည့်၊အရသာချိုမှုန့်၊အနံ့နဲတယ့်ထန်းလျက်နဲနဲလောက်ထည့်ကြိုပြီး အအေးခံထားမယ်။

၆။👉ဟင်းရည် 🫕

ဟင်းရည်ကို အထူးတလည်လုပ်မယ်ဆိုရင်လဲအရိုးသတ်သတ်ပြုတ် အသားပြုတ်ထားတာရရင် အဲ့အရည်ကိုစစ်ယူပြီး ပြန်ရော အရာသာမှုန့်လိုသလိုထပ်ထည့်ပြီး ဟင်းရည်ထဲ ပဲပင်ပေါက်လေးထည့်ခတ်၊ ကြက်သွန်ဖြူကြော်၊ကြက်သွန်မြိတ်၊ငရုတ်ကောင်းလေးဖြူး လိုက်ရင် ဆိုင်တွေကလို ပဲပင်ပေါက်ဟင်းရည်လေးရပါပြီ။

၇။👉 ဆီချက်ခေါက်ဆွဲပြင်မယ်

🍗🍖အသားနူးရင် အသားတွေပါးပါးလှီး(သို့)နုတ်နုတ်စဉ်းထားပါ။ ပန်းကန်လုံးထဲ ထမင်းစားဇွန်းနဲ့ ဆီချက်ဆီတစ်ဇွန်း၊ပဲငံပြာရည်ကြိုတစ်ဇွန်း(သို့)တစ်ဇွန်းခွဲထည့်၊ခေါက်ဆွဲတစ်ယောက်စာ၊ငရုတ်ကောင်းနဲနဲဖြူးပြီးမွှေပါ၊ပြီးရင်အပေါ်မှအသားလွှာ(သို့)အသားစဉ်းထားတာတင် ကြက်သွန်မြိတ်၊အဖြူကြော်နဲ့ငရုတ်ကောင်းလေးဖြူးလိုက်ရင် အရသာရှိတဲ့ 👧🧒🏻🧑🏼‍🦱👦🏽ကလေးတွေလဲကြိုက်တဲ့ ဆီချက်ခေါက်ဆွဲနဲ့ပဲပင်ပေါက်ဟင်းရည်ပူပူလေး ရပါပြီခင်ဗျာ🤤😋🙏 

crd