သင်္ဘောသီးပုဇွန်စိမ်းမုန့်တီဖတ်သုပ်နည်း

သင်္ဘောသီးပုဇွန်စိမ်းမုန့်တီဖတ်ရခိုင်သုပ်နည်း

.........................................................................................

- သင်္ဘောသီးစိမ်းကိုဒါးနဲ့ပေါက်ပါ
သဘောင်္သီးအပြင် မိမိနှစ်သက်ရာအသီးအရွက်လည်းထည့်နိုင်ပါတယ်

- ကျမကတော့ ခရမ်းချဉ်သီး (အစေ့ဖယ်) ၄စိပ်စိပ်+ ပဲတောင့်ရှည် (မထည့်ခင်ရေခဲစိမ်ပါ-ကြွတ်ကလေးဖြစ်အောင်ပါ)ထည့်ပါတယ်

- မုန့်တီဖတ် လက်တဆုပ်ထည့်ပါ
(အသုပ်ထဲမှာ ချဉ်၊ငံ၊စပ် အရသာဝင်နေတဲ့မုန့်ဖတ်တွေဟာအင်မတန်စားလို့ကောင်းပါတယ်)

- ပုဇွန်စိမ်းကိုအခွံခွာ၊ ကျောခွဲ၊ ချေးထုတ်ပြီး ရှာလကာရည်နဲ့ မိနှစ်အနည်းငယ်စိမ်ပြီး ရေဆေးထည့်ပါ

ကျမကအချိုမုန့်မစားတဲ့သူဆိုတော့ အချိုမုန့်အစား ထန်းလျက်/သကြား/ကြံသကာသုံးပါတယ်

မိမိနှစ်သက်ရာထည့်ပါ

ဒီမှာတော့ ကြံသကာ ထည့်ထားပါတယ်
(ရခိုင်သုပ်မှာကြံသကာထည့်ရမယ်လို့မဟုတ်ပါ-အချိုမုန့်အစားထိုးသုံးခြင်းဖြစ်ပါတယ်)

ဟင်းချက်ရင်ကြံသကာသုံးတတ်တဲ့အကျင့်ကတော့ ရှမ်းပြည်မှာနေခဲ့ကတည်းကရခဲ့တာပါ

ရှမ်းရိုးရာဟင်းဖြစ်တဲ့ ရှမ်းအခေါ် ဖတ်စော (မုံညင်းစော)အချိုကို ကြံသကာနဲ့ချက်ပါတယ်

ကျမတို့ငယ်ငယ်က ဒီမုံညင်းစောဟင်းကို မြိုပေါ်ကဆိုင်တွေထက် ရွာဘက်ကလာရောင်းတာကိုရဖို့ မနက်အစောကြီး တောဘက်ကတက်လာတဲ့ဈေးသည်တွေကိုစောင့်ဝယ်ရပါတယ်

ဒီနောက်မှာတော့ ရှမ်းလူမျိုးသူငယ်ချင်းတွေသင်ပေးလို့ ရှမ်းစာအချို့ကိုကြံသကာနဲ့ချက်ရာက နောက်ပိုင်းအခြားဟင်းတွေချက်တဲ့အခါလည်းစမ်းသုံးကြည့်ရင်းကြိုက်သွားတာပါ

ချဉ်၊ငံ၊စပ် ဟင်းအရသာချက်တဲ့မခါ ထန်းလျက်/ကြံသကာ ထည့်ပြီးစမ်းချက်ကြည့်ပါ
အင်မတန်စားလို့ကောင်းပါတယ်

သံပရာသီး/ရှောက်သီးညစ်ထဲ့ပါ

ငြုပ်သီးနှစ်သက်သလောက် အတောင့်ကွဲရုံထောင်းထည့်ပါ

ကြက်သွန်ဖြူ ၃-၄ မွှာကို မှာ ထောင်းထည့်ပါ

ငြုပ်ကောင်းစိလှော် ၄-၅လုံးအနံ့သင်းရုံထောင်းထည့်ပါ

ငပိမီးမြိုက် နှစ်သက်သလောက်ကို အရည်ဖျော်တည့်ပါ

အားလုံးရောနယ်၊ အပေါ့ အငံမြည်းကြည့်ပြီး သုံးဆောင်နိုင်ပါပြီရှင်