BP SANG THEIH HUAI

MIT BP SANG 

Mit BP sang, ihcih ziau pen manlian lo kha ding hi. A hizong, Zopau in ah natna tuamtuam min pen kim mahmah hi. Mit BP sang pen mikang pau in  Glaucoma hi a. Glaucoma natna pen ih sisan , blood pressure a sanbang in, mit sung tuibekbek  (pressure) sang a, mit BP sang cihzong man veve kha dnig hi. 

Mit BP sang pen naungek pianciil pan in omthei  a, damdam in sukthei a, damdam inzong hong nathei hi. 

Mit BP sang pen kilawh thei hi ci hi. 

Upat/ham zawhkhit ciang in mit BP sang neih theihna nei /ngah tam diak a. 

Sikhang natna nei te aading in mit BP sang neih theihna ngah/nei baih diak hi. 

Zunthlum natna nei te inzong mit BP sang neih theihna  ngah/nei baih diak hi. 

Za limtep lua ten zong mit BP sang neidiak a. 

Mittha hat lo, a nai nangawn a siangmuh theih loh hang a mitmaan minus power sang mahmaha bulh ten neinuam diak hi cin kigen hi. 

Hun sawt pi tak corticosteroid zang te'n mit BP sang neih theihna ngah/neibaih in  ngah uh hi. 

Hongki lat khiat dân:

Mittui limkiat lua, 

Lu nâ leh mittang sung  nâ, 

Meitang ah haktheih loh na,

Mit nauno ciding hiam aw  gol leh mit sangengum, 

Mit nauno zawng  puang, 

Mit BP sang pen ihkep ihbawl kei leh mita theihna thagui, optic nerve sia thei a, hih in mit tawsak thei hi. 

Mita theih na thagui in sisan a tawmngah ciang in mit a phiatna sangsak thei hi cihki thei hi. Mittang sung amai lamah pen tuiguak siangtho. Omna bawm om a, hi munpan in tuiguak siangtho mahmah lutkhia  a. Hi bâwm pan in a tuisiangtho guak a limluan khiat luat leh tuibekbek kilim cinlua cihna hi, hih in pen mit sung aphiatna sangsak den hi. 

Mit BP sang nam 2 om a -

1. Open Angle Glaucoma - Mit sunga tuiguak lut khiat na lampi (trabecular meshwork)-ah dik lo omlo a,a hizong, abing sak a huu a om nahang in tuiguak lutkhia thei lo hi. Niin in tuihawkluan na lampi huu a hihman in tuihawk hoihluan theilo hi. 

2. Narrow Angle Glaucoma- Mit sunga tuiguak lut khiat na tawilua in, tuiguak  lut hoihtak in lut khia thei lo hi. Hi pen a manlaangtheipen a bawl a keppah ding ki sam hi. Mit nâ leh bawk, san gemgum, hoihtak a khua musiang thei lo, lu nâ, luaksuak leh luak omnuam hi. 

Mit BP sang kibawl na in a sawm penpen mit sung aphiatna sang niamsak hiam aw, tuiguak lut tawmsak hiam aw a hihi. Mit BP sang pen mit nih in om khawm nuam a. 

Mit siahuan kiang a kivel sak kisam hi, a bawlna zong mit siahuan khuta koihhoih a, hiteng ah gendah ni. Hongmit si cip lecin a tuabangdan in omden ding hile cin, a baihloh damlnding kihilh tangtang zong kullo hi. Mit pen pawimawh mahmah a,hoihtak a ih kep kisam a ih dawp kisam mahmah hi. Damsak sang in kikep kidal hoih zaw hi cih phawk tawntung ni. 

CIDAM NA MIKIM AA DING.