NUMEI KHAT ADING CIDAMNA THUPI HI

NUMEI TE AADING A CIDAM NA HOIH PENPEN

Cidam ding ih lunggulh leh theihna tamsak in laitampi simzong ki sam a theihna zia thupi hi. Ih theihna a tamciang in sepding hihding leh saplohding hih lohding ih theita ding a tua in nasia tak in hongpan pih ding hi. Ih cidam nalam a hoih a leh ih pumpitaksa peng tuamtuam te in sawtpi khan ding a sawtpi ihdam tuam ding hi.

Numei te pen Pasian in hongbawl dan in naupai ding ih hihi,ih sungpan piang naungek pen ei a nu ihcidam leh nauzong a cidam hi Nucidam ding pen kisam pha mahmah hi

Ih cidam na ding in siangtho kisam pen a. Cidam na pen siangtho na pan kipan hi, tua ban ah siangtho na in ih sungtawng dong in tampitak hong cidam sak hi. Ih pumpi taksa pan in, a diak in ih zahmawh hoihtak  siangtho tak a nisim ih silsiang ding thupi hi tua in natna tampi tak lakpan hong dal hi.

Tuaban ah ih khut siangtho tak a silding zong kisam hi, ih nek na, ih nasep na leh a tuamtuam ih khoih ciang in siangtho tak in silsiang pahpah leng hoih hi. Daileng ih hih leh zong siangtho tak in silsiang ding kisam mahmah hi, hih in ih pumpi taksa lak a natna lutding a piangsak thei natna lak pan in hong dal hi.

Ta neih hun ding theihzong kisam mahmah hi. Kum upa/ham khitciang a naupai leh naupang lua a naupai pen numei te aading in a la huai mahmah a hihi. Kum naupang ta nei limlim pen sisa a piang tamzaw a zong sisa in suaknuam hi, upa/ham luat khit ciang a naupai zong tate cidam lo in nu in nasia tak in thuak mahmah hi. Tua ban ah ki neklua a nauneih zong hoih pet mah khawl lo hi. A tawm pen in kum 3  kihal thei leh deihdan a hihi.