CHIN NATIONAL DAY leh MIZORAM STATE DAY

CHIN NATIONAL DAY leh MIZORAM STATE DAY ..

FEBRUARY 20 !

(Zosuante a dinga ni thupi pen ni)

Chin National Day (CND) leh Mizoram State Day pen February 20 ni hi a,a ni kibang lian hi.

CHIN NATIONAL DAY

January 4, 1948 kumin Burma in,Independent ngah hi.Chin Special Division ci-a Burma Constitution in (1947) kum a,a gelh bangin hong dingto uh a,1896 kum a, British in min a gelhsakna bangin"Chin Hills Regulation" thukhun ki zang thei nawnlo ding ahih manin "Chin Special Division ah bang danin ki-uk ding i hi hiam? cih kikum khawm ding leh "Union of Burma Independent Ni" lungdamna pawi bawlkawm dingin 'Public Meeting sam uh a, Burma President masa pen"Sao Shwe Thike" leh minister-te pen Falam ah pai in,Feb. 19-22, 1948 kumin, Chin Hills gamsung pan mipi 5,000 val bang paikhawmin Burma kumpi in Kyats 40,000 val bei hi.

Chin Conference ni 2-na, Feb. 20, 1948 kum in, Tedim palai Pu Thawng Za Khai-ih thusunna. "Chin Hills sungah Ukpi neihna zong bei in,mipi teelna tawh democracy in ki-uk leng cih ahi hi.(Hih a thusunna pen a lungkim lo,vote mi 17 bek om hi.)Tua ahih manin Democracy 1948 April kha in"Chin Special Division Act" zong kikipsak hi.

Hih Chin Conference pen Chin National Day ci-in Chin Affairs Committee in kipsak uh hi.

MIZORAM STATE DAY!

February 20 ni pen, Mizoram State Day ahi hi.

June 30, 1986-kumin India kumpi leh MNF-te'n kilemna lai a bawlkhit uh ciangin Mizoram pen state lian khat a,laptoh dingin ngelna nei uh hi.

August 7, 1986-kumin state lian khat in, Mizogam a laptoh theih nadingun bill pen Lok Sabha ah puak uh a,a puakna bangun pass uh a,member 310 lakah 308-in lungkimpih uh hi.Rajya Sabha-ah zong member 171 lakah 160-in lungkim uh a,August 14, 1986-kum a,India President-in a min a gelh khit ciangin 53rd Constitution (Amendment) nuaiah Mizoram pen India gam a state 23-na ah om uh hi.

February 20, 1987 kum nipikal ni gukni-in India Prime Minister, Rajiv Gandhi pen Mizogamah pai a, zingsang nai 9:30-in Aizawl Lammual ah mipi tampite mai ah, Mizogam in state a ngahna thu genkhia hi.

February ni 20 ni mahin Raj Niwas-ah Mizogam Lt. Governor ahi lai pen Gauhati High Court Chief Justice-in Mizogam Governor dingin kamciamna nei sakin la lut uh a,Chief Minister dingin Pu Laldenga leh Minister dingin Pu Zoramthanga, Pu Rualchhina leh Pu Tawnluia te kamciamna nei sakin la lut uh hi.Pu Lal Thanhawla pen Dy.Chief Minister-ah koi uh hi.

Photo 1na pen Burma Prime Minister "U Nu" 1961 Feb.20 ni,Falam CND a,a thugen na hi.

Photo 2 na pen,India Prime Minister "Rajive Gandhi" 1987 Feb. 20 ni,Aizawl Lammual-a,a thugen na hi.

Credit photo Pu H. Vanlal Rawna

Zomi History Group