NUMEITE MAN PHATNA

NUMEI TE MAN PHATNA

A lawmpa in lawmngaih dang a neih ciangin a lawmnu in theihsiam sawm hi.

A lawmnu in lawmngaih dang a neih ciangin a lawmpa in,khen sawm hi.

Pasalte dam loin lupna tung ngakin a om ciangin a kem a khoi pen,a zi ahi hi.

Zite dam loin lupna tung ngakin a om ciangin a kem a khoi pen a pianna nu hi thei hi.

Pasalte pumpi zaw in,khut leh khe zang thei loin natna a neih ciangin a zi lungkham lua in,hai lawh liangin a pasal kem hi.

Nupite in pumpi zaw in,khut leh khe zang thei loin natna a neih ciangin a pasal mel kilang loin lawmngai in buai thei uh hi.

Zato inn sunga puteek lampai zolo te,trolley a zangsak pen a zite uh hi zaw uh hi.

Ahi zongin zato innsunga nupite trolley a zang sak pen a tanu te ahih kei leh sia-mahte ahi uh hi.

Leitung nuntakna pen i ngaihsut ngam loh leh i lam et ngam loh dongin natna,haksatna kithuak thei hi.

Tua ahih manin a zawdeuh in,numeite a cidam ding uh thupi hi.

Tua ahih manin numei khat nahih manin nangmah leh nangmah ki-it inla ki muangngam in.

Leitungah nang sanga a man nei zaw numei om lo hi.

Zomi history group