KHAICI TUH HUN

KHAICI TUH HUN

"Mi in ama vawh bangin a at ding hi." (Galati 6:7)

James White in cidamna ngeina hoih lote na tuh ahih manin dam lohna at pah hi. Ama khan khiat hun, 1800 kim pawlin cidam nading koici kikep ding cih athei mi tawm mahmah lai hi. Mi tampite mah bangin, James White in zong annek ahi zong, ahun ahi zongin maan lo hi. A sang laisinna bek mah ah a lungsim khempeuh pia khia hi. Hong khangcing zawkdeuh ciangin, an siangtho, tawlngakna le thatang-sanna cihte ngaihsun loin, amah in lawp takin Pasian' thugen hong kipan hi. 

James White a ci na pahpah hi; cisa, gilpi dam lohna le khuadam-sakna hi pipen hi. Pumzaw natna tawh thum vei tuk hi. A dam loh luat ciangin kha sawm-le-nga sung bang nasem thei loin om hi. Adventist Pawlpi hong makaih kik zawh nadingin atuam in ama aa ding thungetsakna tam veipi kinei hi. Ni khat tua banga a thunget hun uh August 22, 1877 ni in zang uh hi. Topa in James White dam lohna pan phong in damkik sak hi. 

Thungetna dawnna tawh Pasian in hong damsak thei in, hong damkik sak a hihna lamdang mahmah hi. Cina lo a koici nuntak ding cih hong hilh kholhna zong a lamdangpi khat hi, ci-in na ngaihsun ngei hiam? 

Pasian in Kha Siangtho hilhkholhna tungtawn in eite tungah tua thuhilhna aneng atawng a hong piakna banghang hiding cih na ngaihsun kha hiam? Hong pia kei leh, nang le kei in i pumpi cidam in i keem thei diam? Mi masate banga, natna i thuak ding adeih loh man ahi kha diam? 

Pasian in eite hong piak cidam nading zuih ding ngeina tampi om hi. Tawmkhat en suk ni: 

1). Nisim an ahun maan in ne in. 

2). Annek kikal sungteng in bangmah ne kei in.

3). Na lup ma in nek theih khat peuh ne kei in. 

4). An siangtho ne in; sathau tam le athak nam ante sangin an mawkmawkte ne zaw in. 

5). Nisim in huih siangtho lak ah thatang-sanna nei in.

Nang ading, na innkuanpih ading, (ahk) na sangkahpihte ading alunglut huai nasepno khat ahi dingin, Mrs. White laigelhte sung pan cidam nadinga zuih ding ngeinate na hih zawh zah gualsuk dih in. An siangtho, nek-le-dawn ngeinate, tawlngakna, thatang-sanna, tui zatna, puansilh nikten cihdan anam ciat in khenbawl in. Cidamna lam ah khantoh nading lampite na mu ding hi. Na phawk ding thu in, tuni aa na vawh khaici pen tu zawh kum 10, kum 20, kum 30 ciangin na at kik ding hi.

Dorothy Eaton Watts, This Is The Day  August 22.

Source: VHFM