MT. GEORGE OF LYDDA

MT. GEORGE OF LYDDA

Mt. George pen kum zalom 4na hunlai kiim a mi ahi hi.A mah pen Greek mi,Cappadocian muna piang hi a,a nu leh pa Kristian hi in, George pen kum 14 mi ahih laiin a pa pen Kristian ahihna hangin kithat lum hi.Tua ciangin a nu tawh Syria-Palestina lamah pai uh a,Syria gamah kum tam a om ma-un,a nu-in sihsan hi.Tua khit ciangin Goerge pen Nicomedia lamah pai in, Rom galkap ah a lut hi.Roman officer dong tungto in,ahi zongin Kristian ahihna hangin 303 kumin Diocletian/Dacian thupiakna tawh thahna thuak hi.

George pen Nicomedia khuapi uumna bulah kum 303 April 23 ni-in a lu kitansak hi.Pasian a upna,Kristian ahihna a sihpih ngamna hangin kumpinu Alexandra of Rome i lungsim su kha mahmah ahih manin Alexandra in zong Kristian ahihna thu mipite mai ah a genkhia hi.Tua ahih manin amah zong ki that pah uh hi.George-i luang pen Lydda lamah phum dingin kila a,tua lai mun a,Kristiante in,galhangpa ci-in zahtakna pia den uh hi. Latin Acta Santi Georg-i laibu a,a kigelhna ah Mt. George in thu umlo mi, 40900 val Kristianah suaksak man hi ci-in kigelh hi.

Mt. George-i taangthu a,milim a kimu te pen a tamzaw (Dragon) dawi milim hi zaw deuh hi.Taangthu a,a kigenna ah dragon in Libya gama Silene khua mite pen buaisakden in,Khuasung mite ne zel hi,ci-in kigen hi.Tua bang ahih manin khuasung mite in,dragon a biakna-un nisimin tuuno nihta pia zel uh hi.Ahi zongin a tuunote un,cin nawn loin beita hi.Tua ciangin abeisa hunlai mah bangin mihingte aban aban in a ne hi.Tua ciangin khuasung ukpipa tanu a nek ding hun hong tungta a,ukpipa in,a tanu tangdingin midang a zon hangin a muzo kei hi.Tua laitakin Mt. George pai tawh kituak citciat a,dawi ahi dragon pen pangin a teipi tawh a dawt lum hi.Tua ciangin ukpipa nuamlua mahmah ahih manin a sum neih khempeuh Mt. George a pia khin hi.Ahi zongin tua sumte Mt. George in,mizawng mi haksate huhna in,zang khin ahih manin a sepna a mu leh a thei te khempeuh in, Mt. George-pen a hangsanna leh a hatna lamdangsa ciat uh a,a sum ngah khempeuh mi haksate a piakkhit nate hangin zong phat in,ama Pasian hoih in,biaktak hi,ci uh ahih manin tua khua mite khempeuh Kristian suak khin uh hi,kici hi.

Palestinia gama Lydda munah Mt. George-i mintam in, biakinn na kilam uh a,tua biakinn sungah amah zahtakna a piaden uhhi.Tua biakinn pen tuni dongin omlai hi,kici hi.

Raymond L. Ralte ofm cap

Zomi history group