NGAIHSUTNA KHUAK TAWH KISAI

NGAIHSUTNA KHUAK TAWH KISAI

💭💭💭💭💭💭💭💭💭💭💭💭

💭💭💭 Mihing ngaihsutna khuak pen a lamdang mahmah khat ahi hi. A gim na gelnate khempeuh hong tangtungsak zo dingin ngaihsutna hong pia thei a, tua na ngaihsutnate khempeuh zong a hoih thei pen dingin hong gelsiamsak zong, na ngaihsutna khuak mah ahi hi. Tua mah bangin na a gualzosa mi khat a puksak , pumpi a thanemsak , zong ngaihsutna khuak mah ahi hi . Tua ahih manin ngaihsutna khuak pen bangci bang dan hiam cih pen mipilte  sittelna tawmkhat hong hawmsawn nuam ing.

💭💭 Khuak pen a bangci danin na asem hiam cih pen a theihhuai mahmah thu ahi hi. Hi te thei le hang na ngaihsutnate bangci uk ding cih pen thei pah ding hi teh.

💭💭💭  KHUAK cih pen ngaihsutna le sepkhiatna khen sese loin a ma thuakna le a muh bang tektekin a thuk kik pahpah ahi hi.

( sepkhiatna om lo ngaihsutna bek tawh zong a om thei a hihi, bang hang hiam cih leh a sem dingin ngaihsutna khat ngaihsun kei le hang , a ma thu in a sem dingin khuakin hong sawltawm  lo, cih na ahi hi.

💭💭💭 Khuak i cih pen ngaihsutna thak, gelna thak hangin khuak gim ngei lo a, lunggimna hangin khuak kisia zaw hi. ( Gentehna , thuthak ngaihsutna , pilna ding ngaihsutna hangin khuak kisia lo hi. Lungnop lohna in khuak susia hi.

💭💭💭 Ni khat sungin na khuak in a ngaihsut thu,  a lang sangin a tamzaw pen a beisa hunte ahi hi. Tua ahih manin a hi thei tawp in na ngaihsutna khuak siangsak in la siansuah in. A piangsate ngaihsut ding sangin hong piang dingthute ngaihsut ding tamsakzaw in.

💭💭💭  Lunggulhtak a na ngaihsut , na gelna khat pen tangtung lo cih pen tam lo hi. Tua ahih manin na gimna, na gelna khatpeuh tangtungsak nuam in, na nuntakna na dinmun na pianzia na kikhelnop leh namuh nasan zia na lungsim ngaihsutna na kikhel masak ding kisam hi.

💭💭💭 Khuak cih pen mihing satak mahtawh kibang ahi manin khuak a dam nadingin thalakna bawlsak zel ding kisam hi. Huih siangtho dik ding kisam hi. Cidamna ding a hoih ann ne ding, ihmut nuamtak in ihmu ding, mun tuam gamtuam ah khualzin ding, pumpi cidamna ding nasem ding , lam ding , nisim nuntakna ciamteh in laibusungah gelh ding , cih bangin sep ding kisam hi.

💭💭💭 Khuak pen tawlngak hun nei lo hi. Ihmut hun in zong a sep ding teng sem veve hi. Khanlawh hun sangin ihmut hun sungin a nasepna tha hatzaw hi.

💭💭💭 Na khatpeuh a sia lam a muhdenna in khuak gimpia mahmah bekthak loin pumpi tha hatna zong kiamsak hi. Tua ahih manin a munmun ah tua bang ngaihsutnate pen paihkhiat ding kisam mahmah hi. Tua hi leh na khuak adingin zong tawldamna a ngah ding ahi hi. Na ngaihsutna zong hong navaksak ding hi.

💭💭💭 A kisam lo a lui ngaihsutnate pen mangngilh zawh ding kisam mahmah hi. Khuak i cih pen ngaihsutna a thak tampi ngaihsut ding a kisam ahi hi. Tua hi le ngaihsutna khuak lampi te zong a tha hat ding hi. Ngaihsutna a thak a kibehlap theih nadingin a lui ngaihsutnate hepkhiat ding kisam hi. 

💭💭💭 Pumpi tung nate khatpeuh in natna thuakthei , nasathei uh hi mah leh, khuak ahi leh natna cih pen thei lo hi. Bang hang hiam cih leh khuak pen sisan , khuak thagui , sapuat , cih te khempeuh tawh kituam ki mah le natna a phawksa thei ding te tawh kizom lo a, tua te khuak sungah om lo ahih man ahi hi. 

💭💭💭 Na khuak ngaihsutna pen khelthei hi teh. Pumpi gamtatna khempeuh na ngaihsutna adingin lampitak hisak in. Hih zo kei ning ci in na ngaihsut nak leh na sem zo peuhmah kei ding hi.  Sem zo ding hih zo ding ci in ngaihsun le teh , tua na ngaihsutna a sem zo ding,  a piangsak zo ding in ngaihsutna hoih pen na khuak in zong tawntung ding hi.

💎💎💎 Pasian in mihingte tungah ngaihsutna khuak ahoih lo hong piaktuam  kua mah om lo hi. A hoih vive hong pia a , tua te pen a hoih theih nading, a sian theih nadingin a sawp dingin lungtang a om ahi hi. A lui nate sung panin ahoih lo ngaihsutna te nusia in la , a hoih ngaihsutna thak tampi a ngaihsun zo dingin ,i vekpi in khat vei khuak silsiangna khat nei ciat ni. 

💭💭💭💭💭💭💭💭💭💭💭💭💭💭💭

Job.cinpi 

Zomi laisim nuamte