PASAL KISAP LEH NUMEI KISAP

PASAL KISAP LEH NUMEI KISAP

Pasalte in a kisap uh ahi nupa om khopna sex a pia thei ding deih uh a numeite in a kisap uh ahi hehpihna leh itna a pia thei ding deih uh hi.Tua ahih manin innkuansung a nop theihna dingin khat leh khat kisapnate ki theih siamsak ding kisam hi. 

Pasalte in a khuak tawh ngaihsutna gen in numeite in lungsim tawh ngaihsutna gen uh hi.Tua ahih manin innkuan nuam hih theihna dingin khat leh khat ngaihsutna leh thuaknate ki theih siamsak kul hi.

Pasalte in a mit tawh a muhna panin lungsim tha hatna ngah in numeite in ahih leh a bil uh tawh a zakna uh panin lungsim tha hatna ngah uh hi.Tua ahih manin innkuan nuam hih theihna dingin na pasal aa dingin kipuah inla siangtho leh namtui takin om in.Tua mah bangin pasal in na zi tungah a hoihna leh na itna gen zel in.

Pasalte in midangte hunga keptheih ding ut uh a numeite in amah a hung ding leh a kem ding deih uh hi.Tua ahih manin Pasian in a zi a kep theihna dingin tha hatna pia a numeite pen a pasal kepna nuai ah a-om theihna dingin tha nemna pia hi.Tua ahih manin innkuan nuam hih theihna dingin Pasian hongpiak na tha hatna pen na zi vuakna dingin zang loin na zi lungmuangtak a nakep nading ahi hi.

Pasalte pen a piakhia dinga a kibawl hi a numeite pen a pungsak dinga a kibawl ahi hi.Tua ahih manin pasalte pen Pasian in a zi apiak ding cii napia a numeite pen a pungsak dingin beel napia hi.

Pasalte pen zahtak ding ut uh a numeite pen it ding ut uh hi.Tua ahih manin Laisiangtho in pasalte zahtak ding leh numeite it ding a hihna gen hi.(Eph 5:22) Tua ahih manin innkuan nuam hih theihna dingin na pasal pen pasal khempeuh lakah na zahtak pen hi henla tua mah bangin na zi pen numei khempeuh lak panin na itpen hi tawntung sak in.

Pasalte pen Pa dinga a kibawl hi a numeite pen Nu dinga a kibawl ahi hi.Tua ahih manin innkuansung a noptheihna dingin pasal in Pa ahihna ta vuan zo henla numeite in zong Nu hihna tavuan a zawh ding ahi hi.

Credit:Doctor Piang