NUMEI PIL LEH NUMEI HAI

Numei pil le Numei hai.

Numei hai in a pasal langpan nop na tawh a thu nial den a, numei pil in a pasal tha pia-in hanthawn den hi. 

Numei hai in a pasal a mawhsak theih nading thusia zong den a, numei pil in a pasal hoihna le phatna en kilungnuamsak hi. 

Numei hai te in mun le gam enlo in a pasal kam nialin dawng kik ziauziau lel a,  a pasal maizumsak hi. Numei pil in ahih leh inn a tun ciang in a lungkim lohna a thuin gencian kik zaw hi.

Numei hai in a pasal thanemsak a, a pasal thanem na in a mah a sukkhak lam thei lo hi. Numei pil in a pasal thupisak a, a pasal a thupitsakna in a mah le amah vang kipia ahih lam thei hi.

Numei hai in a pasal' hunlui le a zawlluite thute siksanin a pasal tungah thuneihna la nuam den a, Numei pil in a pasal tawh a mailam kalsuanzia ding bek ngaihsutin nei hi.

 

Numei hai in a pasal mawhna maisak lo in, tua mawhna gan nakpheh bangin zang a,

Numei pil in a pasal mawhna maisak a, ahi zongin mailam ah a khialh loh nadingin thuhilh siam hi. 

 

Numei hai te in a pasal tawh tut khop khawl khop ding thupit ngaihsut lo a, Numae pil in, bangci cih leh a pasal in ama khiang nuamsa theo ding cih ngaihsun hi. 

 

Numei hai in a pasal pen thaltang lawn ding bang in nak kek mahmah a, nak kek tektek leh gamlapi a tun ding lam thei lo hi. Numei pil in a pasal pen khau tawh a kikhih gunkuang bangina gamlapi a tun kuan ciangin a khiang nai ah kai kik zel hi.

 

Numei hai in kei ka pil hi ci-in kigengen a, Numei pil in a pasal pen belh haui le muan huai ahih lam thei zaw hi.

Numei hai te in a pasal suakta sak lo in a kiang ah om tawh tung a, numei pil in a pasal kiang naih zel kigamla zel cih bang in ze et siam hi. 

 

Numei hai in inn sung nasep ahi,  an huan puansawp cihte hanciamtakin sem kankan a, ahi zongin ama pumpu kizep kipuah ding a thupizia ngaihsun ngei lo hi. Numei pil in inn sung nasep a zawh mah bangin ama hihna tawh kituakin a pumpi puah siam hi  

Numei hai in a khitui tawh a pasal tung ah gualzawhna la a, Numei pil in a maitai na tawh a pasal adingin tahza hoih pen suak hi. 

 

Job.cinpi

Nainai sanay laibu sung pan Zolai tawh kong let kik ahi hi. A thu kicin lohna khatpeuh a om khak leh keimah a let siam lo ka hi zaw ding hi.