ALOE VERA HOIHNA

Inn ah a ciinhuai mahmah meikangza

**************************************

Meikangza pen innkim ah nakpitak ciinhuai mahmah hi. A kizattheihna tam a thupitak in mihingte phattuamna hong piathei a hihman a hihi.

A kizattheihna te:

1. Meikangza pen letmat 2 (2") a lian in at tan ding hi. Tuate mei ah em (hang hilhial) ding hi.  Ek sungah sisan ki hel cihte a'dingin tua a ki em te 5 bang ne ding hi. Natna a nasiatleh nisim ne kik zel ding hi.

2.  Lungtangnat a neite thakhat thu in tawllua in a omvatleh hih meikangza a tak leh cikhum helkhawm in nesak ding hi.  Lungtangnatna hangin a piangthei siatna te pan hong honkhia thei hi.

3. Hih meikangza pen meikat, tuisa kat, cycle khulawngkat cihte a'dingin kizangthei hi. Meikatna mun ah meikangza belh ding hi. Hoihmahmah aa, meima pawn omlo zah dongin damsiangsak thei hi.

4. Sam a lomlom in a pulh thei mite in zong hih meikangza a luvun tungah nuh zelzel leh a samkhang hi. A sam pokik aa, a sam thahat a hihmanin a pulh ding tampi dal hi.

5. A melhoih nuamte in zong zingsang maiphiatkhit sim in a maitang tungah meikangza nuhzel ding hi. Maivun zolsak, tangsiatte beisak, civom omlosak aa hong melhoihsak hi. A hoihnuam te'n zingsangsim nuhzel ding a hihi.

Meikangza a hoihna

*********************

Meikangza sungah Vitamins tuamtuam te, Amino acid,  minerals leh a dang gu a suaksak theina te a beisak dat tampi om hi. Tuate in gilpi um sung siangthosak mahmah hi.

Zunsipna, sungkhakna leh gilpi um lampi ah lungnote beisakthei hi. Gilpi an gawina zong thahatsak mahmah hi ci in muhkhiatna ki nei hi.

Computer en zelte, laisim hatte bekhilo mittang a thahatlo khempeuh a' dingin zongh hoih hi.  Meikangza balkham in silsiang sitset ding hi. Nitak lup ciangin tua meikangza mittungah minute 15 belh ding hi. Mittang cidamsak, thahatsak bek hilo mittang sungaa hoihlo khempeuh siangtho sak hi.

Meikangza sungah Vitamin E leh tuidat tampi kihel a hihmanin vunhoihsak mahmah hi. Muk a keu den te a'dingin zong hoih mahmah hi. Hih meikangza a tui (a dat) leh khuaizu helkhawm in vuntungah zong ki nuhthei hi. Vunzolsak, vun cidamsak, hong moisuahsak thei hi.

ဥတ္တရစောဖြူ

Translated by: Zomi Zomi Siamsin Library Post