ငါးကျည်းခြောက်အပျော့ကြော်နည်း

#ငါးကျည်းခြောက်အပျော့ကြော်နည်း

..........................

အဲဒီငါးကျည်ခြောက် အပျော့ကြော်လေးကတော့ အရှေ့က ဟင်းလေးတွေနဲ့ လိုက်ဖက်အောင် တင်ဆက်ပေးထားပါတယ်နော်။

ပါဝင်ပစ္စည်းများ
ငါးကျည်းကျပ်တိုက်ခြောက် - ၅ ကျပ်သား
ကြက်သွန်နီ - ၅ လုံး
ကြက်သွန်ဖြူ (ဗမာဥ) - ၃ ဥ
ငရုတ်သီးခွဲခြမ်း - အကြမ်းပန်းကန်လုံး တစ်ဝက်
ဆီ - ၇ ကျပ်သား
ငံပြာရည် - စားပွဲဇွန်း ၂ ဇွန်း
သကြား - လက်ဖက်ရည်ဇွန်း ၁ ဇွန်း
မန်ကျည်းနှစ် - စားပွဲဇွန်း၂ ဇွန်း
စိမ်းစားငါးပိ - စားပွဲဇွန်း ၁/၂ ဇွန်း
နနွင်းမှုန့် - အနည်းငယ်
ဆား - အနည်းငယ်
အရသာမှုန့် - အနည်းငယ်

ပြုလုပ်နည်း
ငါးကျည်းကျပ်တိုက်ကို အရိုးနွှင်ပြီး ရေနွေးထဲခဏစိမ်၍ ကြိတ်စက်နဲ့ ကြိတ်ထားပါ။ ကြက်သွန်နီ/ဖြူကို ကြိတ်စက်နဲ့ကြိတ်ထားပါ။ မန်ကျည်းနှစ်ထဲ သကြား၊ အရသာမှုန့်၊ ဆားဇွန်းဖျားနှင့်အနည်းငယ်နှင့် စိမ်းစားငါးပိကို ပျော်ဝင်အောင် အနှစ်ပြုလုပ်ထားပါ။ ဆီပူအိုးတည်ပြီး ပူလာလျှင် ကြိတ်ထားသောကြက်သွန်ဖြူ/နီနှင့် နနွင်းမှုန့်တို့ကို ထည့်၍ ဆီသတ်ပါ။ မှေးပွှီးကပျလာလြှငျ ငါးကျည်းကျပ်တိုက်များကို ထည့်ပြီး မွှေးလာသည်အထိ ကြော်ပါ။ ငရုတ်သီးခွဲခြမ်းထည့်၍ နှံ့အောင်မွှေပြီး အနှစ်ပြုလုပ်ထားသော မန်ကျည်းနှစ် ထည့်ပါ။ မွှေးလာသည်အထိ ကြော်ပါ။ ငံပြာရည်ပေါက်၍ အပေါ့၊ အငန် အရသာမြည်းပါ။ ခြောက်လည်း ခြောက်ပြီး ပျော့ပျော့ပျောင်းပျောင်းလေးဖြစ်အောင် ကြော်လျှင် ရှေ့မှာ ဖော်ပြထားတဲ့ ဟင်းအရန်လေးများနဲ့ လိုက်ဖက်ပါတယ်။