ကောက်ညှင်းကင်

ကောက်ညှင်းကင်
============
-ကောက်ညှင်းကင်ဆိုတာ
ကောက်ညှင်းပေါင်းကိုအခြေခံပြီးလုပ်ရပါတယ်။
-ကောက်ညှင်းကင်ကို အုန်းသီးနဲ့လုပ်လို့ရသလို
ပုစွန်ခြောက်နဲ့လည်း လုပ်လို့ရပါတယ်။
-ကောက်ညှင်းဆန်ကို ရေစင်စင်ဆေးပြီး
ပေါင်းချောင်နဲ့ ကောက်ညှင်းနပ်အောင် ပေါင်းပါ ။
-ကောက်ညှင်းနပ်ရင် လင်ပန်းထဲကို
ပေါင်းထားတဲ့ကောက်ညှင်းပေါင်းတွေလောင်းထည့်ပါ။
-ကောက်ညှင်းပေါင်းထဲကို ဆားသင့်ရုံထည့်ပါ။
အုန်းသီးကို ခြစ်ထည့်ပါ။
အားလုံးရောပြီး သမအောင်နယ်ပါ။
-ပုစွန်ခြောက်နဲ့လုပ်ရင် အုန်းသီးအပြင်
ပုစွန်ခြောက်ကို မညက်တညက်ကြိတ်ထည့်ပါ။
-ရောနယ်ထားတဲ့ ကောက်ညှင်းတွေကို
တောင်စွန်ဖက်၊ငှက်ပျောဖက်တို့ထဲကိုထည့်ထုပ်ပြီး
၀ါးညှပ်မှာညှပ်ပြီး မီးကင်ပါ။
-ဖက်ရွက်မီးသင်းနံ့နဲ့အုန်းသီးနံ့၊ပုစွန်ခြောက်နံ့တွေ
မွှေးပျံ့နေတဲ့ ကောက်ညှင်းကင် ရပါပြီ။