ထန်းသီးမုန့်

ထန်းသီးမုန့်
========
ဆန်ကြမ်းတစ်ပြည်ကိုရေစင်စင်ဆေးပြီးထောင်းပါ။
ဆန်မှုန့်တွေကို ဆန်ကာနဲ့ချပစ်ပါ။
ထန်းသီးမှည့် ကြီးကြီး ၃ လုံးကိုအခွံခွါပြီးအနှစ်တိုက်ပါ ။
ထန်းသီးနှစ်တွေကို ဆန်မှုန့်စစ်ထားတဲ့အထဲကိုထည့်ပြီး
သကြား၅၀ ကျပ်သား၊ဆားနည်းနည်းထည့်ပြီး
အားလုံးကို သမသွားအောင်ရောနယ်ပါ။
နယ်ထားတဲ့မုန့်တွေကို အ၀တ်နဲ့အုပ်ပြီး ၄နာရီလောက်နှပ်ထားပါ။
မုန့်တွေပွလာတဲ့အခါ ပေါင်းဖို့ပြင်ရပါမယ်။
အိုးထဲကိုရေထည့်ပြီးအေပ်ါက ပေါင်းစကာတင်ပါ။
မုန့်တွေကိုစကာပေါ်တင်၊အဖုံးအုပ်ပြီးပေါင်းပါ။
နာရီ၀က်လောက်ပေါင်းရင် နပ်ပါပြီ။
ဒီနည်းက ထန်းသီးမုန့်အချပ်လိုက်ပေါင်းနည်းဖြစ်ပြီး
မုန့်နပ်တဲ့အခါ လိုသလိုလှီးဖြတ်ပြီး အုန်းသီးဖြူး စားလို့ရပါတယ်။
တစ်ခုချင်းလုပ်လိုရင်တော့-
စကာပေါ်မှာမုန့်နှစ်ထည့်ထားတဲ့ခွက်ကလေးတွေ
စီထည့်ပြီး ပေါင်းရုံပါဘဲ။
ဒီနည်းကတော့ ထန်းသီးမုန့် တစ်ခုချင်းရနိုင်ပါတယ်။
သကြားအစား ထန်းညက်နဲ့လည်း လုပ်နိုင်ပါတယ်။
အရောင်တော့ နည်းနည်းကွာခြားပါမယ်။