ယာခိစိုးဘ (ဂျပန်ခေါက်ဆွဲကြော်)
ယာခိစိုးဘ (ဂျပန်ခေါက်ဆွဲကြော်)
၄ယောက်စာအတွက်လိုအပ်သောပစ္စည်းများ
. ယာခိစိုးဘခေါက်ဆွဲ ၄ထုပ်
၆ဝဝ ဂရမ်
(မရှိရင် ပြုတ်ထားတဲ့ ခေါက်ဆွဲခြောက်
၈ဝ ဂရမ် ၃ ထုပ် သို့မဟုတ် ပျော့အောင် ပြုတ်ထားတဲ့ စပါဂတီခေါက်ဆွဲ ၂၅ဝ ဂရမ်)
. ခေါင်းဖြုတ်ထားတဲ့ အခွံနဲ့ပုစွန် ၈ကောင်
၁၂ဝ ဂရမ်
. ခုံးကောင် ၂ ကောင်
. ကြက်သွန်မြိတ် ၃ဝ ဂရမ်
. ဂေါ်ဖီထုပ် ၁၅ဝ ဂရမ်
. ပဲပင်ပေါက် ၁၅ဝ ဂရမ်
. ကြော်ရန်ဆီ သင့်ရုံ
ပစ္စည်းများကိုအတိအကျချိန်ထည့်ပါ။
(ဆားအရသာနဲ့ကြော်ရန်)
. ဆား အနည်းငယ်
. ငရုပ်ကောင်း အနည်းငယ်
(ဆော့စ်အရသာနဲ့ကြော်ရန်)
. ဂျပန်စတိုင်ဝေါ်စတာဆော့စ်
စားပွဲဇွန်း ၄ ဇွန်းမှ ၆ဇွန်းခန့်
ကြိုတင်ပြင်ဆင်ရန်
(ဆားအရသာနဲ့ကြော်ရန်)ပဲပင်ပေါက်ကိုရေဆေးပါ။ ဂေါ်ဖီကို ၃ စင်တီမီတာအရွယ် လေးထောင့်ပုံလှီးပါ။ ပုစွန်ကိုရေဆေးပြီးအခွံခွာပါ။ သွားကြားထိုးတံနဲ့ ကျောဘက်မှာရှိတဲ့မစင်ကြောင်းတွေကိုဖယ်ပါ။ဓါးပြားနဲ့ပုစွန်ရဲ့ဝမ်းဗိုက်ကိုဖိချေလိုက်ပြီး ၁ စင်တီမီတာအရွယ်လှီးပါ။ ခုံးကောင်တွေကိုလည်း ၁ စင်တီမီတာအရွယ်လှီးပါ။
ပေါင်းအိုးနဲ့ ယာခိစိုးဘခေါက်ဆွဲကို ၃ မိနစ်ပြုတ်ပါ။
ဒယ်အိုးထဲကို ဟင်းရွက်ဆီ စားပွဲဇွန်းတစ်ဝက်လောက် ထည့်ပြီး အပူပေးပါ။ ပုစွန်နဲ့ခုံးကောင်တွေကို ထည့်လိုက်ပြီး မီးအနေတော်နဲ့ကြော်ပါ။ ပုစွန်အရောင်ပြောင်းလာရင်ဆယ်ယူလိုက်ပါ။ ဒယ်အိုးထဲကိုဟင်းရွက်ဆီစားပွဲဇွန်း၁ဇွန်းထည့်၊ မီးအနေတော်နဲ့ ကြက်သွန်မြိတ်၊ ဂေါ်ဖီ၊ ပဲပင်ပေါက်တွေကိုထည့်ကြော်ပါ။ ဟင်းသီးဟင်းရွက်တွေနွမ်းလာပြီး ဂေါ်ဖီကအရောင်ကြည်လာပြီဆိုရင် မီးပိတ်လိုက်ပါ။ ခေါက်ဆွဲကိုထည့်၊မီးပြန်ဖွင့်ပြီး ခေါက်ဆွဲတွေလုံးထွေးမနေအောင်မွှေရင်းကြော်ပါ။
ဆားနည်းနည်းဖြူးပြီး ငရုပ်ကောင်းများများလေးဖြူးပါ။ ပုစွန်နဲ့ခုံးကောင်ကိုပြန်ထည့်လိုက်ပြီး နည်းနည်းထပ်ကြော်ပါ။
(ဆော့စ်အရသာ)ဆား၊ ငရုပ်ကောင်းအစား ဂျပန်စတိုင်ဝေါ်စတာဆော့စ်နဲ့အရသာစပ်ပါ။
Post a Comment