ဆိတ်သား ကီးမား ဒန်ပေါက်

ဆိတ်သား ကီးမား ဒန်ပေါက်

---------------------------------
မိသားစုနဲ့ တူတူလုပ်စားနိုင်ဖို့ ဆိတ်သား ကီးမား ဒန်ပေါက် ချက်နည်းလေး မျှဝေပေးလိုက်ပါတယ်...
--------------------------------
ကီးမား ပါ၀င်ပစ္စည်းများ

ဆိတ်သား – ၄၅၀ ဂရမ် (နှုတ်နှုတ်စင်းပါ)
ကြက်သွန်နီ – ၈လုံး (နှုတ်နှုတ်စင်းပါ)
ကြက်သွန်ဖြူ - ၅မွှာ (နှုတ်နှုတ်စဉ်းပါ)
ဂျင်း - လက်တဆစ် (ညက်အောင် ထောင်းထားပါ)
ငရုတ်သီးစိမ်း – ၄-၅ တောင့် (ပါးပါးလှီးပါ)
ခရမ်းချဉ်သီး – ၄လုံး (အစေ့ထုတ်ပြီ ပါးပါးလှီးပါ)
ငရုတ်သီးမှုန့် – လက်ဖက်ရည်ဇွန်း ၃ပုံ၁ပုံ
ဆနွင်းမှုန့် – လက်ဖက်ရည်ဇွန်း ၄ပုံ၁ပုံ
ဇီယာမှုန့် – လက်ဖက်ရည်ဇွန်း ၁ဇွန်း
ဖာလာ - ၆စေ့
နံနံစေ့မှုန့် – စားပွဲတင်ဇွန်း ၁ဇွန်း
ငရုတ်ကောင်းစေ့ - ၈လုံး (မညက်တညက်ထောင်းထားပါ)
မဆလာ – လက်ဖက်ရည်ဇွန်း တ၀က်
သစ်ဂျပိုး - ၁ခု
ဆား – လက်ဖက်ရည်ဇွန်း တ၀က်
နံနံပင် – စားပွဲတင်ဇွန်း ၂ဇွန်းစာ (နှုတ်နှုတ်စင်းပါ)
--------------------------------
ကီးမားချက်နည်း

၁။ ကီးမားချက်ရန် ဒယ်ထဲ ဂီ(သို့) ထောပတ် (စားပွဲတင်ဇွန်း ၃ဇွန်း) ထည့်ပြီ ကြက်သွန်နီ၊ ကြက်သွန်ဖြူ၊ ဂျင်း ဆီသပ်ပေးပါ။

၂။ ပြီလျှင် ခရမ်းချဉ်သီး၊ ဆနွင်းမှုန့်၊ ငရုတ်သီးမှုန့်၊ သစ်ဂျပိုး ဆား ထည့်ပြီ ၁မိနစ်ခန့် ရောမွှေပါ။

၃။ ထို့နောက် ဆိတ်သား၊ ငရုတ်သီးစိမ်း၊ ဇီယာ၊ နံနံစေ့မှုန့်၊ ဖာလာ၊ ငရုတ်ကေင်း ရေ(၂ခွက်) တို့ကို ထည့်ပြီ ဆီပြန်သည်အထိ မီးနည်းနည်းဖြင့် အဖုံးအုပ်ပြီ တည်ပေးပါ။

၄။ နောက်ဆုံးမှ မဆလာ၊ ပျဉ်တော်သိမ်းရွက်၊ နံနံပင် အုပ်ပေးပါ။
--------------------------------
ဒန်ပေါက်တွင် ပါ၀င်ပစ္စည်းများ

ဒန်ပေါက်ဆန် (basmati rice) - နို့ဆီဘူး ၄လုံး (CityMart တွင် ၀ယ်ယူနိုင်သည်)
ဇီယာစေ့ - စားပွဲတင်ဇွန်း ၃ပုံ၁ပုံ
သီဟိုစေ့ - စားပွဲတင်ဇွန်း ၂ဇွန်းစာ
Saffron - စားပွဲတင်ဇွန်း ၃ဇွန်း
--------------------------------
ဒန်ပေါက်ဆန်ချက်နည်း

၁။ basmatic ဆန်ကို နာရီ၀က်ခန့် ရေစိမ်ထားပေးပါ။ (မှတ်ချက် ။။ ရေစိမ်ပေးထားမှ ဒန်ပေါက် ထမင်းချက်ရာမှ ကောင်းပါမည်)

၂။ နာရီ၀က် ရေစိမ်ပြီလျှင် ဇကာဖြင့် ဆန်များကို ရေပြန်စစ်ပေးပါ။

၃။ ထို့နောက် ဒယ်အိုးတစ်အိုးထဲသို့ ရေများထည့်ပြီ ဆူလာလျှင် ဆီ(စားပွဲတင်ဇွန်း ၃ဇွန်း)၊ ဆား(စားပွဲတင်ဇွန်း၂ဇွန်း)၊ ဇီယာ(စားပွဲတင်ဇွန်း ၃ပုံ၁ပုံ) ထည့်မွှေပေးပါ။

၄။ ပြီမှ ဆန်များကို လောင်းထည့်ပြီ ဆူလာသည်အထိ တည်ထားပေးပါ။

မှတ်ချက် ။ ။ ဒန်ပေါက်ဆန်ချက်ရာတွင် ကျက်သည်အထိ မတည်ရပဲ၊ တ၀က်ပဲကျက်သည့်အနေထားထိသာ တည်ရမည်။

၅။ ဒါကြောင့် ဆူလာလျှင် ၁မိန်ခန့် ထပ်တည်ပြီ ဆန်များ တ၀က်ကျက်လျှင် မီးပိတ်ပြီ ဇကာဖြင့် ပြန်စစ်ထားပေးပါ။
--------------------------------
ဆိတ်သား ကီးမား ဒန်ပေါက် ချက်နည်း

၁။ ခုဆိတ်သား ကီးမား ဒန်ပေါက် စချက်ပါတော့မည်။

၂။ ဒယ်အိုးတစ်ခုထဲသို့ နုပ်ထားသော ဆိတ်သား ကီးမား (တ၀က်)ကို အရင်ထည့်ပြီ ခင်းထားလိုက်ပါ။

၃။ဆိတ်သား ကီးမားအပေါ်မှ ဆန်များကို ခင်းလိုက်ပါ။

၄။ ထို့နောက် ကျန်ဆိတ်သားကီးမား ကို ထက်ခင်းပါ၊ သူအပေါ်မှ ဒန်ပေါက်ဆန်များ ခင်းပေးပါ။

၅။ အပေါ်မှ နံနံပင်(အနည်းငယ်)၊ ကြက်သွန်နီကြော်၊ ငရုတ်သီး(ဆီချက်) (သို့) Saffron (စားပွဲတင်ဇွန်း ၃ဇွန်း)၊ သီဟိုဌ်စေ့၊ စပျစ်သီးခြောက် ဖြူးပေးပါ။

၅။ ပြီနောက် အဖုံးအုပ်ကာ (မီးပြင်းပြင်းဖြင့် ၅မိနစ်၊ မီးအသင့်တင့်ဖြင့် ၁၅မိနစ်၊ မီးနည်းနည်းဖြင့် ၁၀မိနစ်ခန့်) အားလုံး စုစုပေါင်း နာရီ၀က်ခန့် တည်ထားပါ။

၆။ ကျက်ပြီဆိုလျှင် ဆိတ်သားကီးမား ဒန်ပေါက်များကို ဖြည်းဖြည်းခြင်း ဇွန်းဖြင့် သမအောင် ရောမွှေလိုက်ပါ။

ရ။ အခုဆိုလျှင် ဆိတ်သားကီးမား ဒန်ပေါက်ကို သုံးဆောင်နိုင်ပါပြီ..