မုန့်ပေါင်း

မုန့်ပေါင်း

======
-မုန့်ပေါင်းကို မွန်ပြည်နယ်ဖက်မှာ
`မုန့်ပန်းကန်`လို့ ခေါ်ကြမလားဘဲ ။
-မုန့်ပေါင်းကို ဆန်ကြမ်းနဲ့လုပ်ရပါတယ်။
ပဲနဲ့လုပ်စားလို့ရသလို
အုန်းသီးထန်းညက် ဌာပနာထည့်ပြီးလုပ်စားနိုင်ပါတယ်။
ပဲနဲ့လုပ်ရင် ပဲလွန်းကိုပြုတ်ပြီးလုပ်ရပါတယ်။
-အုန်းသီးထန်းညက်နဲ့လုပ်မယ်ဆိုရင်
အုန်းသီးကိုဂျစ်ထိုးပြီး ထန်းညက်ရည် ပေါက်စေးကျထဲ
ထည့်မွှေထားတဲ့ ဌာပနာကို သုံးပါမယ်။
-ဆန်ကြမ်းကို ရေစင်စင်ဆေးပြီး ရေတစ်ညစိမ်ထားပါ။
ရေစစ်ပြီး ဆန်မှုန့်ဖြစ်အောင် ထောင်းပါ။
ရလာတဲ့ဆန်မှုန့်တွေကို သံဇလုံမှာဖြစ်စေ၊အင်တုံမှာဖြစ်စေ၊
ဆန်မှုန့်ပေါ်ကို လက်နဲ့ ရေအနည်းငယ်ဖျန်းပါ။
ပထမဆုံး ခပ်ပျော့ပျော့၊နောက် မပျော့မမာ၊
နောက်ဆုံး မာမာ ၊၃မျို း၃ စားထားပြီး သိပ်ပေးပါ။
-မုန့်လုပ်ချင်တဲ့အခါ သိပ်ထားတဲ့မုန့်သားတွေကို
ဂုံးခွံ ယောက်သွားနဲ့ ဖြည်းဖြည်းဖွဖွခြစ်ယူပြီးလုပ်ရပါတယ်။
-မုန့်ပေါင်းဖို့ အိုးပြင်တဲ့အခါ
အောက်ကမြေအိုးထဲမှာ ရေထည့်ပြီး ဆူအောင်တည်ပါ။
မြေအိုးပေါ်မှာ အပေါက်ပါတဲ့စလောင်းဖုံးတင်ပြီး
ရေနွေးငွေ့လုံအောင် ဘေးပတ်လည်ကို
မုန့်ညက်သားကို ရေဆွတ်ပြီး လိုက်မံပါ။
-အပေါက်ပါတဲ့စလောင်းဖုံးပေါ်ကနေ
အနေတော်ဖြတ်ထားတဲ့ ရှံသားစလို အစပါးပါးခင်းပါ။
မြေစလောင်းဖုံးသေးသေး၊ဒါမှမဟုတ်
လက်ဖက်ရည်အကြမ်းပန်းကန်တို့ထဲကို သိပ်ထားတဲ့မုန့်ညက်ကို
ယောက်သွားခွံနဲ့ဖွဖွလေးခြစ်ပြီး တစ်ထပ်ခင်းပါ။
အလယ်ကနေ အုန်းသီးထန်းညက်ဌာပနာထည့်ပါ။
အပေါ်ကနေ မုန့်သားတစ်ထပ်ဖုံးပြီး
ရှံသားစပေါ်ကိုမှောက်ချပြီး အဖုံးဖုံးထားပါ။
-အောက်ကရေနွေးငွေ့အပူကြောင့်ခနနေရင်မုန့်ကျက်ပါတယ်။
မုန့်အရောင် အဖြူ ကနေ အရောင်ကြည်ကြည်ဖြစ်လာရင်
မုန့်နပ်မှန်း သိသာပါတယ်။
-ရှံသားစကို ဆွဲခွါပြီး မုန့်ကိုယူလိုက်ပါ။
-ပဲနဲ့လုပ်ချင်ရင်တော့ စလောင်းဖုံးအသေး၊
ဒါမှမဟုတ် အကြမ်းပန်းကန်ထဲကို မုန့်သားအပြည့်ထည့်ပြီး
အပေါ်ကနေ ပြုတ်ထားတဲ့ ပဲလွန်းတွေ ဖြူ းပြီးပေါင်းပါ။
-ပုံမှာ နှမ်းထောင်းဖြူးထားတာက ပဲမုန့်ပေါင်းဖြစ်ပြီး
နှမ်းထောင်းဖြူ းမထားတာက အုန်းသီးနဲ့ပါ။
-ပဲမုန့်ပေါင်းကိုနှမ်းထောင်းဖြူ း၊ဆီဆမ်းပြီးစားပါတယ်။