ANEULAI PAN IN PANTAH SIAM IN PART VI

TATE KEPNA LEH PATTAHNA (Part-6)

1. Naupangte sawtpi pi thusit kei in. 

Papi khat in a tate kiangah na ni te sek ka kawm na pia pak vo ci-in tutphah tungah koih leh pusuak pah hi. A tate kimawl uh ahihmanin kuamah in a pa thugen tel lo uh a, sek a cih bek thei uh a, a nu/a zi kiangah lah naupang khat a nite sek na pia sak o cih genlo ahihmanin a tate in a pa sek koih mundang ah seng ngamlo in nitak a pa ciah dong tua ci om hi. 

A vak na pan a pa hong ciah a, inn sung a lut phet tutna tunga a nite sek a koih mu pahhi. Na ni te sek na pia un ka ci ve, ciang khat la in a tate kaikhawm a,ban sat a, a zi in tua sek piak ding vai thei kha vetlo hi. Hih sek piak ding ka cih no banghangin pia lo, no kei hong lau lo maw, hong kihta lo maw, tu malam in pa thumanglo diñgin no kipan khin maw, na khan ding uh ka kihta khol ve, ci in a tate ban sat a, kap ngeingai uhhi. 

Tua ciangin a nu uh zong bangci dan nei vua, vai tung tung tate hi ci sat gawp, bang hih khial uh a hia, bangmah mah lah nong gen kei a, a cih leh nang na leng na tate tawh pangkhawm in kei hong mawhsak sawm maw, a ni te sek pia in ka cih na taten a piak kei leh zong nang pia buang ve ci suk gawp hi. Tua sek maw naupang ten ka pa sek tawh kisai gen khat nei nu na theina ko a thugen tel lo hong ci, aw himaw a omna nawngkai kei tua ci koih vo, hong la ding om hin cia, ci mah ing e, a cih leh thugen hoih tak ngai pahpah ve vua, ci in a maizum selna in a tate kimawl mawh sak pongmawk hi. 

Na tate in thu a tel na dingin hoih takin gen inla, nu in a gen leh pa in theihpih ding, pa in a gen leh nu in theih pih leh thusia om ngeilo ding a, thu kimawk sitsit cih te om ngeilo dinghi. 

Pate aw, na tate un a thuak zawh loh zah dong dingin thuhilhin taii niloh kei un. Kolose 3:21

2. Cihna ding theilo liangin na sawl sawl kei in.

Naupang pen tagah a hi a, ompih a hizong, ei tate tektek a hizong sawl theih tah ci in na khempeuh ah kisawl thei hi. Pa in tap tungah tukawm sa in zasan bawl hi. A tapa sam in hibangin sawl hi;

1) zasan kuang leh a gawina va la o.

2) Sazan va la o, tawm lua ei va la kik o, tam lua ei va koih kik o.

3) Ci va la o. 

4) Mehza va la o.

5) Lothang kang va la o.

6) Sing va la o.

7) Ngakeu va la o.

8) Sikkeu leh zasan koihna kuangneu va la o.

9) Sik keu leh zasan seng o.

10) Zasan kuang leh a gawina va seng o.

11) Munphiah leh ninluakna va la o.

12) Zasan kuang leh a gawina va sil o.

13) Zasan kuang leh a gawina va seng o.

14) Munphiah leh ninluakna vaseng o. 

Zasan khatvei bawl in tate 14 vei sawl le cin na thu nial lo in na cih bangbang in a hih pahpah hangin zasan na bawl kik ding ciang na gei ah om nuam nawn hetlo dinghi. Khat sawl sawl in a dangte om sak hithiat cih zong suktuahna khat mah hi a, hoih hetlo hi. 

Naupang te puansawp lai, inn nawt ding in sawl kei in,  inn nawt lai zo nailo pi in puan taih diñgin sawl kei in, na khempeuh ah naupang te sawl suk sawl to cih pen naupangte hehpih huai uh a, inn nuamsa lo in vakvak ding uhhi. Naupang te, tate pen sila bangin zat ding hilo a, hoih takin kem in pattah ding ahihi. 

 Pate aw, na tate uh a heh theih nadingin bawl kei unla, Khristiante ngeina tawh kituakin taii-in hilhin pantah un. Efesa 6:4

@ NK Nang