MILAK AH ZAT THEIH DINGA KI LAWM PAWLKHAT

MI LAK AH ZAT THEIH DING A KI LAWM PAWL KHAT

Phone nih vei bang call a,hong san kei leh call kik nawn kei in,buai nadang nei a,hong dawng man lo zong hi thei hi.A phawk lo leh a thei lo ahih leh zong a muh ciangin hong call kik lel dinga hong call kik kei a leh hopih taak hong sa lo hi lel ding hi.

Mi in sai khat peuhpeuh ah,an ahi in,van khatpeuh (hong taih)hong leisak ciangin a lim leh a mantam te nang thu in,vaikhat kei in,ahih theih leh amah mah vaikhaksak lel in.

Mi khat nopmawh theih nadingin kampau kha kei in.Gentehna in,Zi/pasal nei nailo maw nei hak si cia,nau nei nailo maw nei hak si uh cia,innmun lei sawmlo maw lei hak si cia,cih bangin thu dong kei in.Ama vai leh a haksatna theihpih khin loding nahih manin tua te-in a lungsim nawngkaisak thei hi.

Mi dangte kiho laitakin kam paupih kei in.Midangte a kiho uh ciangin amau kiho-na,a buaisak dingin kihel kei in.

Na kihel loh nading munah pai in,lut kei in.

Nang kihel a kul loh nading munah pai in,kihel nuam sese kei in.Pil lopi a,kipilsakna tawh kibang hi.

Facebook group khat peuhpeuh ah lai leh video khatpeuh na post ding ciangin a group min tawh kituakin post theih sawm in.Pasian kammal thu leh la ahih leh mun khempeuh ah ki post thei hi.

Mi na ciamnuih ciangin a maitang en kawm inla a lungkim bang ahih phat kei leh khawlpah lel in.

Na khat peuhpeuh ah midangin hong huh,hong panpih ahih leh lungdam koh ding manghilh kei in.

Thu na gen ciangin midangte omdan etsiam in.Thu ngai te in,a lunglut phat kei uh leh khawl hun ding thei pah in.

Midangte phone sunga photo na et leh kidawm in.Na lawmte khatpeuh in a phone sunga photo khatpeuh hong lah ciangin tua bek mah etsak inla a dang en nuam se kei in.Et sak ding a kilawm lo om thei hi.

Thu ki neisakin na khut nuai a,nasemte kammal kilawm lo zangin paupih kei in,hong neu muh zaw ding uh hi.Tua ahih manin na nuai a,nasemte kam thum tawh hopih lecin mihai ahih kei uh leh hong zahtak zawding uh hi.

Lawmta ki muh khopna leh midang khatpeuh tawh na ki hopih uh ciangin phone khoihkhoih kei in.Ki thusip lohna tawh kibang hi.

Credit piak ding ding manghilh kei in.

Mi khatpeuh ih lai gelhsa la-in,na copy ciangin credit na gelh ding manghilh kei in.A min na gelh nop kei leh na lakna mun gelh in.A zawdeuh in zolai tawh a kigelh te.

Midangte tungah itna lungsim nei den in.Midangte in,na tunga hong bawl ding nadeih bangin midangte tungah bawl in.

Mi naphat theih kei leh zong a siatna gense loin daitak a omna in,pilna ahi hi.

Credit,Henry Lalrohlu

Zomi history group