THEI LENG VAL LO

THEI LENG VAL LO 

Iran 

@.Iran gam ah naupang kum 16 pan nuai lamte in, thukhun(upadi )tawh kituak loin khelhna a neih uh leh hih bangin danpiakna nei uh hi.

Tua a danpiakna uh pen laisim sakna ahi hi.

Kumpi thu neite in,laibu hoih nono simsak uh a,a laisim uh pen amau ngaihsutna leh a muhna dan uh,thu neite tungah genkhiasak uh hi.

Rominia

@.Rominia gam ah khualzin nahih leh sanginn tuamtuam leh laibu zuakna munte ah napai ciangin midangte zak a,kampau ngam ding hilo hi.Sanginn te leh laibu zuaknate ah ngamdaitak a,laisim tam lua uh ahih manin ut bangbang in kam kipau ngam hilo hi ci-uh hi.

Tua ciangin amau ngeina dan khat ah ''Bus tuankawm a,laisimte pen a free in tuangsak uh ih,kici hi.

Isarel 

@.Isarel te mimal khat in,kumkhat sungin laibu,bu 64 sim dingin kiciam teh hi.Nasep loh kikal in,laibu leh a khut uh,a kipelh ngei lo minam khat in kigen hi.

Germanny

@.Germany minam te pen zaa ah 50% pen laisim mi ahi uh hi.30% te pen hun awng a ngah sim un,lai a simden mite ahi uh hi.Innkuan sungah mimal khat in,laibu-bu 300 bang nei kimciat uh hi,kici hi.

Japan 

@.Japan te pen mawtaw ngak kawm ahih kei leh mawtaw tuan kawm nangawn in,laibu tawh kikhen ngei lo uh hi.Na a sep kei uh leh laisimna in a hun uh bei hi,ci-in kigen hi.Tua ahih manin leitunga laisim hahkat pawl ah kihel uh hi.

Tua ciangin laibu pen a mantam mahmah napi'n nisim in,laibu zuakna tuamtuamte ah laibu lei ding mi kiphu ziahziah den hi,ci-uh hi.

Credit;salaidawtcem

Src:Dalsen -  Zomi history group