ခေါက်ဆွဲကြော် (၀က်သား)

ခေါက်ဆွဲကြော် (၀က်သား)

တကယ်တော့လည်း အချို အငံ အရသာ ..နဲ့ မွှေးတဲ့ အနံ့လေးတွေကို ( တခါတလေ liquid smoke အနံ့လေး ထည့်သုံးတယ်) ကိုယ်ညဏ်ရှိသလို ကွန့်ပီးထည့်နိုင် ကြရင်လည်း စားကောင်း တဲ့
ခေါက်ဆွဲကြော်လေး ဖြစ်လာမှာပါဘဲနော်..။

ပါ၀င်သော ပစ္စည်းများ (၁ ပွဲစာ)
1. ၀က်သား ၁၀၀ ဂရမ် ( ၅ကျပ်သားခန့်)
2. ခေါက်ဆွဲအစို ၁၅ ကျပ်သားခန့်
3. သကြား အနည်းငယ်
4. ပဲငံပြာရည် အကြည် လိုသလောက်
5. ပဲငံပြာရည် အပျစ် ၁ လက်ဘက်ရည်ဇွန်း
6. ခရုဆီ ၂ လက်ဘက်ရည်ဇွန်း
7. ဆား အနည်းငယ်
8. ရေ ၁ စားပွဲဇွန်း
9. ဆီ ၃ စားပွဲဇွန်း
10. ကြက်ဥ တလုံး
11. အသီးရွက်စုံ ၁၅ ကျပ်သားခန့်

ချက်နည်း
1. ၀က်သားကို ပါးပါးလှီး၊ ဆား၊ သကြား၊ ပဲငံပြာရည် ၊ ကြက်ဥ (တလုံးကနေ အနည်းငယ်ယူထည့်) ထည့်ပြီး တူနဲ့ နယ်ပါ။ တစ်နာရီလောက် ရေခဲသေတ္တာ အခဲထပ်ထဲမှာ နှပ်ထားပါ၊
2. ကြော်မည့်အိုးထဲဆီထည့်၊ ဆီပူလာရင် ကြက်ဥ ထည့်ကြော်ပီး ဆယ်ထားပါ၊ ဆီလိုအပ်လျှင် ထပ်ထည့်ပီး ကြက်သွန်ဖြူကြော်ပါ၊ နွမ်းသွားတဲ့ အခါ ၀က်သားထည့်ကြော်ပါ၊ အသား ကျက်တဲ့ အခါ အသီးရွက် ထည့်ကြော်ပါ၊ ခေါက်ဆွဲ ထည့်ပီး မွှေပေးပါ။ ဆား၊ သကြား၊ ပဲငံပြာရည် အပျစ်၊ အကျဲ၊ ခရုဆီ ထည့်မွှေပေးပါ၊
3. လိုအပ်လျှင် ပြောင်းကော်မှုန့် ၁/၄ လက်ဘက်ရည်ဇွန်းကို ရေ (အရိုးပြုတ် အချိုရည်) ၄ စားပွဲဇွန်းနဲ့ ဖျော်ပီး နည်းနည်းချင်း လိုသလောက်ထည့်မွှေပေးပါ၊ ခေါက်ဆွဲကြော်က စိုစိုလေးဖြစ်နေရပါတယ်..။ အသီး အရွက် ဘယ်လောက်ထည့်မလည်း..ရေ ဘယ်လောက်ထွက်လာမလည်းဆိုတာ အတိကျ မပြောနိုင်လို့ပါ၊ ကော်တွေ အများကြီးနဲ့ ပြစ်ပြစ်ကြီး မဖြစ်ရပါ၊ မမီးက ခရုဆီ နေရာမှာ Hawaiian BBQ sauce ကို သုံးထားပါတယ်...တခြားနေ၇ာတွေမှာ အဲဒီ ဆောစ့် ရဘို့ မလွယ်တာကြောင့်..အလွယ်တကူ ရနိုင်တဲ့ ခရုဆီ ကို ပြောင်းရေးပေးလိုက်တာပါ။