မြေအိုးမြီးရှည် ချက်နည်း

မြေအိုးမြီးရှည် ချက်စားကြရအောင် 

အချိုအရသာအတွက် ကြက်သားနဲ့ကြက်ရိုးများကို ရေတစ်ဝက်ခန့် ထည့်ပြီး ထုထောင်းထားသောဂျင်း သကြား ကြက်သွန်ဖြူအလုံးလိုက်ထည့်ပြီး တစ်နာရီခန့် တည်ထားပေးပါ။ အပေါ်မှ ဝေ့တက်လာတဲ့အမဲဖတ်တွေကို ဇွန်းဖြင့် ခပ်ထုပ်ပစ်ပါ။

ပဲငပိအစပ် ငရုတ်သီးချဉ် အထုံအရသာအတွက် ဟွာကျောင်းဆီချက် နဲ့ Ready made မာလာဟင်းအနှစ်ထုပ် တို့ကို အသင့်ပြင်ထားပါ ဝယ်လို့ရပါတယ်နော် ကြက်သွန်ဖြူဆီချက် ချက်ထားပါ။ မြေပဲထောင်းထားပါ။

ပဲလိပ် မြီးရှည်ဖတ် ကြက်တောင်ပံတု ကြွက်နားရွက်မှို အသားတု ကော်ချောင်း စတဲ့ နှစ်သက်ရာအစာပလာများ အသားချောင်းများ အသားလုံးများ ငုံးဥ အသီးရွက်များစသည်များကို အသင့်ပြင်ထားပေးပါ။

ဟင်းရည်ရပြီဆို ချက်လို့ရပါပြီ။ နှစ်သက်ရာအစာပလာများ ချက်မာ့်အိုးထဲသို့ထည့်ပါ။ ပဲငပိအစပ်တစ်ဇွန်း ငရုတ်သီသချဉ်တစ်ဇွန်း ဆီချက် နဲ့ ဟွာကျောင်းဆီ မာလာဟင်းအနှစ် ကြက်သားမှုန့်တစ်ဇွန်းထည့်ပြီး အပေါ်မှ ကြက်ပြုတ်ရည် လောင်းချပြီး ဆူပွက်သည်အထိ တည်ပါ။ ပြုတ်ထားသော ကြက်သားတုံးများကို အသားမွှပြီး မြေအိုးမြီးရှည်နဲ့အတူ တွဲစားလို့ရပါတယ်။ စပ်စပ်လေးမှ စားလိုသူတွေအတွက်ကတော့ ငရုတ်သီးမှုန့် နဲ့ သံပုရာသီးတစ်စိတ်လောက် ညှစ်ထည့်လိုက်လို့ကတော့ ရှူးရှဲ ရှူးရှဲနဲ့ စားလို့အရမ်းကောင်းမှာပါ။ အဆင်ပြေကြပါစေရှင့်...

* ပဲလိပ် မြီးရှည်ဖတ် ကြက်တောင်ပံတု ကြွက်နားရွက်မှို အသားတု ကော်ချောင်း တို့ကို ရေအရင်စိမ်ထားပြီးမှ ထည့်ပါ။ ဒါမှ ချက်ရတာ အဆင်ပြေမှာပါ။