မရန်းသီးမှည့်နှင့်ငါးနီတူခြောက်အစပ်ကြော်နည်း

#မရန်းသီးမှည့်နှင့်ငါးနီတူခြောက်အစပ်ကြော်နည်း

(Ripe Marian with Dried Anchovy Spicy Fried)
ယခုလို မိုးတွင်းအချိန်အခါမှာ ချဉ်ငန်စပ်နဲ့ ထမင်းမြိန်စေမယ့် ဟင်း တစ်ခွက်ပါ။ မရန်းသီးမှည့်အစား သရက်သီးမှည့်ကို အစားထိုး ချက်လို့လည်း ရပါတယ်။

ပါဝင်ပစ္စည်းများ
မရန်းသီးမှည့် - ၁၀ လုံး (ခပ်ပါးပါးအသားတွေ လှီးယူထားပါ)
ငါးနီတူခြောက် - ၁ ခွက် (ြွကပ်နေအောင် လှော်ထားပါ)
ငရုတ်သီးခွဲကြမ်း - လက်ဖက်ရည်ဇွန်း ၃ ၁/၂ ဇွန်း
ကြက်သွန်နီ - ၃ လုံး (နုပ်နုပ်လှီးထားပါ)
ကြက်သွန်ဖြူ - ၃ မြွှာ (နုပ်နုပ်လှီးထားပါ)
နနွင်းမှုန့် - လက်ဖက်ရည်ဇွန်း ၁/၂ ဇွန်း
ဆား - လက်ဖက်ရည်ဇွန်း ၁ ဇွန်း
ငံပြာရည် - လက်ဖက်ရည်ဇွန်း ၁ ၁/၂ ဇွန်း

ပြုလုပ်နည်း
မကပ်သောအိုးထဲ မီးအနေတော်ဖြင့် ဆီထည့်ပြီး အပူပေးပါ။ ဆီအိုးထဲ နနွင်းမှုန့်၊ နုပ်နုပ်လှီးထားသော ကြက်သွန်ဖြူ/နီကို ထည့်တည်ပါ။ ကြက်သွန်နူးအိပြီး အနံမွှေးလာလျှင် ငရုတ်သီးခွဲခြမ်း၊ ငံပြာရည်၊ မရန်းသီး များထည့်ပြီး နှံ့အောင်မွှေပါ။ မရန်းသီးပျော့အိလျှင် အသင့်လှော်ထားသော ငါးနီတူများထည့်ပြီး မရန်းသီး အနှစ်များနှင့် သေချာအရသာဝင်အောင် မွှေပါ။ ကျန် ပါဝင်ပစ္စည်းများ ထပ်ထည့်ပြီး သေချာမွှေပေးပါ။ အရသာမြည်းပါ။ လိုတာထပ်ဖြည့်ပါ။ အအေးခံ၍ လေလုံဘူးထဲထည့်ပြီး ထားလျှင် အခန်းအပူချိန်နှင့် တစ်ပတ်၊ ရေခဲသေတ္တာထဲမှာဆိုလျှင် တစ်လလောက် အထားခံပါတယ်။